हिवाळ्यात वजन कमी करण्यासोबतच डायबिटीसही कंट्रोल करतो मशरूम, जाणून घ्या ‘हे’ ५ फायदे

वाढत्या वजनाचा त्रास होत असेल तर आहारात मशरूमचा समावेश करा.

मशरूम त्वचेसाठी देखील फायदेशीर आहे. (photo credit: pixabay)

मशरूम ही अशी एक उपयुक्त भाजी आहे जी सूप आणि भाजी दोन्ही मध्ये वापरली जाते. मशरूम जवळजवळ वर्षभर मिळतात, जे खायला खूप चवदार लागतात. मशरूम हे कमी-कॅलरी असलेली भाजी आहे, ज्यामध्ये भरपूर पोषक तत्व असतात. जे सेवन केल्याने वजन नियंत्रित ठेवण्यास मदत होते.

मशरूमचे अनेक प्रकार आहेत, त्यात ऑयस्टर पोर्सिनी आणि चँटेरेल्स हे मशरूम सर्वात जास्त वापरले जातात. करोनाच्या काळात मशरूमचे सेवन आरोग्यासाठी खूप फायदेशीर आहे. मशरूम शरीरातील व्हिटॅमिन डीची कमतरता पूर्ण करते, तसेच रोगप्रतिकार शक्ती मजबूत करते.

मशरूमच्या पोषक तत्वांबद्दल सांगायचे झाले तर, त्यात भरपूर प्रथिने, जीवनसत्त्वे ए, बी, सी आणि डी असतात, जे चांगल्या आरोग्यासाठी उपयुक्त आहेत. याच्या सेवनाने मधुमेह, कोलेस्ट्रॉल, रक्तदाब यांसारखे अनेक गंभीर आजारही नियंत्रणात राहतात. अशा अनेक उपयुक्त मशरूमचे सेवन केल्याने शरीराला कोणते फायदे होतात ते जाणून घेऊया.

वजन कमी करते

वाढत्या वजनाचा त्रास होत असेल तर आहारात मशरूमचा समावेश करा, लवकरच वजन नियंत्रणात येईल. अँटिऑक्सिडंट गुणधर्मांनी युक्त मशरूम जलद वजन कमी करण्यास मदत करतात.

रोगप्रतिकार शक्ती मजबूत करते

करोना संसर्ग होऊ नये यासाठी तुमच्या आहारात मशरूमचा समावेश करा. पोषक तत्वांनी युक्त मशरूम रोगप्रतिकार शक्ती मजबूत करतात. सर्दी, खोकला, सर्दीमुळे होणारा ताप यांसारख्या समस्यांवर हा उत्तम उपाय आहे.

स्नायूंना मजबूत बनवते

मशरूमचे नियमित सेवन केल्याने स्नायू मजबूत होतात, तसेच स्मरणशक्तीही मजबूत होते. याचे सतत सेवन केल्याने स्नायू सक्रिय राहतात.

रक्तातील साखरेची पातळी नियंत्रित ठेवते

मधुमेह असलेल्या रुग्णांनी आहारात मशरूमचा समावेश करा. हे रक्तातील साखरेची पातळी नियंत्रित ठेवते, तसेच वजन कमी करते.

मशरूम त्वचेसाठी देखील फायदेशीर आहे

मशरूममध्ये अँटी-बॅक्टेरियल, अँटी-ऑक्सिडेंट, अँटी-मायक्रोबियल, अँटी-एजिंग, अँटी-रिंकल, स्किन व्हाइटनिंग आणि मॉइश्चरायझिंग गुणधर्म असतात जे वृद्धत्वात त्वचा तरुण आणि सुंदर बनवतात.

(टीप: वरील टिप्सचा वापर करताना तुमच्या फॅमिली डॉक्टरांचा सल्ला घ्या.)

मराठीतील सर्व लाइफस्टाइल ( Lifestyle ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Eating mushrooms can control blood sugar and weight know the other benefits scsm

Next Story
अवांतर : आहारतज्ज्ञांची मते आणि आयुर्वेद
ताज्या बातम्या
फोटो गॅलरी