scorecardresearch

हिवाळ्यात जिममध्ये न जाता वजन कमी करण्यासाठी फाॅलो करा ‘या’ ट्रिक्स, झपाट्याने होईल वजन कमी

जाणून घेऊया हिवाळ्यात जिमला न जाताही वजन कसे कमी करता येईल.

हिवाळ्यात जिममध्ये न जाता वजन कमी करण्यासाठी फाॅलो करा ‘या’ ट्रिक्स, झपाट्याने होईल वजन कमी
हिवाळ्यात जिममध्ये न जाता वजन करा कमी.(Photo-File Photo)

Weight Loss Tips: हिवाळ्यात अनेकदा लोकांचे वजन वाढते. यामागे अनेक कारणे असू शकतात. हवामान छान आहे, त्यामुळे आपल्यापैकी बहुतेकांची भूक वाढते, ज्यामुळे वजन वाढू लागते. तापमान कमी होत असताना, सकाळी उठणे आणि उबदार अंथरुण सोडणे हे एक कठीण काम वाटू शकते. रोज व्यायाम करता येत नाही, शारीरिक हालचालींचा अभाव वजन वाढवण्याचे काम करतो. लठ्ठपणा ही एक गंभीर समस्या आहे ज्यामुळे अनेक गंभीर आजारांचा धोका वाढू शकतो. लठ्ठ व्यक्तींना मधुमेह, रक्तदाब, कर्करोग आणि अगदी कोरोना विषाणू यांसारख्या प्राणघातक आजारांचा धोका असतो.

निरोगी आणि तंदुरुस्त राहण्यासाठी आपण आपले वजन नियंत्रित ठेवले पाहिजे. वजन कमी करण्यासाठी जिम आणि डाएट करण्याचा नेहमीच सल्ला दिला जातो. जर तुमच्याकडे हिवाळ्यात जिममध्ये जाण्याची किंवा महागड्या डाएट प्लॅनचे पालन करण्याची क्षमता नसेल, तर तुम्ही आणखी एका सोप्या उपायाने वजन कमी करू शकता. तुम्हाला थंडीमध्ये वजन कमी करण्यासाठी काही उपाय सांगणार आहोत, चला तर मग जाणून घेऊया हिवाळ्यात जिमला न जाताही वजन कसे कमी करता येईल.

भरपूर पाणी प्या

काही लोक हिवाळ्याच्या दिवसात गरम पाणी पितात. तुम्हालाही ही सवय असेल तर ती बदला. वजन नियंत्रणात ठेवायचं असेल तर थंडीच्या मोसमातही साधं पाणी प्यावं. काही अभ्यासातून असे दिसून आले आहे की शरीराच्या तापमानापेक्षा जास्त थंड पदार्थांचे सेवन केल्याने शरीराला ते गरम करण्यासाठी कठोर परिश्रम करावे लागतात. या काळात शरीरातून भरपूर कॅलरीज बर्न होतात. जर तुम्हाला गार पाणी पिणे शक्य नसेल तर साधं पाणी प्यावे. यामुळे सर्दी-खोकल्यापासूनही तुमचे संरक्षण होईल.

(आणखी वाचा : पांढरा किंवा तपकिरी? कोणत्या रंगाचे अंडे आरोग्यासाठी अधिक फायदेशीर; वाचा तज्ज्ञांचा सल्ला)

चालणे आणि सूर्यस्नान करणे

खरे तर जिममध्ये व्यायाम करण्याऐवजी बाहेर फिरूनही वजन कमी करता येते. जर तुम्हाला सकाळी फिरण्याची संधी मिळाली नाही तर तुम्ही रात्रीही फिरायला हवे. याशिवाय उन्हात बसा कारण सूर्यप्रकाश मिळाल्याने शरीराला व्हिटॅमिन डीचा डोसही मिळेल. लक्षात ठेवा की किमान अर्धा तास सूर्यप्रकाशात राहणे तुम्हाला तंदुरुस्त ठेवण्यासाठी उपयुक्त ठरेल. याशिवाय रात्रीचे जेवण केल्यानंतर अर्धा तास चालावे.

ऊर्जा असलेल्या गोष्टींचा समावेश करा

हिवाळ्याच्या काळात तुमच्या आहारात उर्जायुक्त पदार्थांचा समावेश करा कारण अशा पदार्थांमध्ये कॅलरीज कमी असतात आणि जास्त ऊर्जा मिळते. आपण भाज्या सूप पिऊ शकता. या हिवाळ्यात गाजर, मुळा, आवळ्याच्या रसाचे सेवन वजन कमी करण्यासाठी खूप उपयुक्त ठरेल.पण जर तुम्हाला ज्यूस पिण्याचे शौक नसेल तर नाश्त्यात फळे नक्की खा. यापासून मिळणारे फायबर तुमच्या शरीरातील चरबी कमी करण्यासही खूप उपयुक्त ठरेल.

पेय जरूर प्या

हिवाळ्याच्या दिवसांत वजन कमी करायचं असेल तर हर्बल टी तसेच ब्लॅक कॉफीचे सेवन करावे. काही महिने दुधाचा चहा पिऊ नका. हर्बल टी आणि ब्लॅक कॉफीमुळे शरीराला अनेक प्रकारे फायदा होतो. हर्बल टी मध्ये ग्रीन टी, लॉन्ग टी, हिबिस्कस टी, तसेच ब्लॅक कॉफी यांच्यामध्ये अँटीऑक्सिडंट्स, अँटी-इंफ्लेमेटरी गुणधर्म असतात. थंडीच्या ऋतूत हेल्दी पेय जरूर प्यावेत. त्यामुळे शरीराचे मेटाबॉलिज्म वाढते, तसेच फॅट बर्न होण्यास मदत होते.

मराठीतील सर्व लाइफस्टाइल ( Lifestyle ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 27-11-2022 at 17:59 IST

संबंधित बातम्या