पोटातली सगळी घाण एका रात्रीत बाहेर पडेल; गॅस, अपचन होणार नाही, फक्त आठवड्यातून एकदा ‘ही’ ५ फळ खा

बद्धकोष्ठता ही एक सामान्य, पण गंभीर समस्या आहे, जी दीर्घकाळ टिकल्यास गॅस, आम्लपित्त, पोटदुखी, मूळव्याध आणि गुदद्वाराच्या भेगा यांसारख्या समस्या उद्भवू शकतात. वाढत्या वयानुसार पचनसंस्थेची कार्यक्षमता कमी होते आणि त्यामुळे ५० वर्षांनंतर लोकांसाठी बद्धकोष्ठता ही एक मोठी समस्या बनते. चला, तज्ज्ञांकडून जाणून घेऊया की, बद्धकोष्ठता का होते आणि त्यावर घरगुती पद्धतींनी उपचार कसे करावेत.

बद्धकोष्ठता का होते?

बद्धकोष्ठता ही केवळ पोट स्वच्छ नसण्याची समस्या नाही, तर दीर्घकाळच्या बद्धकोष्ठतेमुळे गॅस आणि आम्लपित्त, अपचन, पोटदुखी आणि पोट फुगणे, डोकेदुखी, चिडचिड, शारीरिक थकवा, मळमळ, त्वचेशी संबंधित समस्या, मूळव्याध आणि गुदद्वाराच्या भेगांचा वाढलेला धोका यांसारख्या अनेक समस्या उद्भवू शकतात. बद्धकोष्ठतेची अनेक कारणे असू शकतात; परंतु सर्वांत सामान्य कारणे म्हणजे आहारात तंतुमय पदार्थाची कमतरता, पुरेसे पाणी न पिणे, कमी शारीरिक हालचाल, काही औषधांचे दुष्परिणाम. वाढत्या वयामुळे आतड्यांची हालचाल मंदावणे हेदेखील बद्धकोष्ठतेचे कारण असू शकते.

बद्धकोष्ठतेपासून आराम मिळविण्यासाठी लोक अनेकदा पावडर, रेचक आणि गॅसवरील इतर औषधांचा वापर करतात, ज्यामुळे तात्पुरता आराम मिळू शकतो. परंतु बऱ्याच प्रकरणांमध्ये, दीर्घकाळ त्यांचा वापर केल्याने त्याचे व्यसन लागू शकते. बद्धकोष्ठता टाळण्यासाठी डॉक्टर नैसर्गिक उपाय, संतुलित आहार आणि आरोग्यदायी जीवनशैलीचा अवलंब करण्याची शिफारस करतात. चला, अशा काही नैसर्गिक फळांबद्दल जाणून घेऊया, जी दीर्घकालीन बद्धकोष्ठतेवरदेखील उपचार करू शकतात.

पपई : पचनासाठी सर्वांत सोपे आणि प्रभावी फळ

बद्धकोष्ठता दूर करण्यासाठी पपई हे सर्वांत लोकप्रिय फळांपैकी एक मानले जाते. त्यात फायबर भरपूर प्रमाणात असते आणि त्यात ‘पेपेन’ नावाचे एंझाइम असते, जे प्रथिने पचण्यास मदत करते. त्यामुळे पचनक्रिया सुधारते. आयुर्वेदानुसार वात आणि पित्त संतुलित ठेवण्यासाठीदेखील हे फळ उपयुक्त मानले जाते. तुम्ही दररोज पिकलेली पपई फळ म्हणून खावी आणि कच्च्या पपईचे तुम्ही भाजी म्हणूनही सेवन करू शकता.

बद्धकोष्ठतेवर आलुबुखार हे एक गुणकारी फळ

सुके आलुबुखार बद्धकोष्ठता दूर करण्यासाठी खूप प्रभावी मानले जातात. ते फायबरने समृद्ध असते आणि त्यात सॉर्बिटॉल असते, जे नैसर्गिक रेचक म्हणून काम करते. त्यात फिनोलिक संयुगे असतात, जी आतड्यांचे कार्य सुधारण्यास मदत करतात. त्यामुळे मल मऊ होतो आणि तो सहजपणे बाहेर पडण्यास मदत होते. काही लोकांना झोपण्यापूर्वी तीन-पाच आलुबुखार खाणे फायदेशीर ठरू शकते. आलुबुखारचा रसदेखील फायदेशीर ठरू शकतो; परंतु त्यात नैसर्गिक साखर असते. त्यामुळे मधुमेहींनी त्याचे सेवन करण्यापूर्वी डॉक्टर किंवा आहारतज्ज्ञांचा सल्ला घ्यावा.

किवी हे फायबर आणि एंझाइम्सचा उत्तम स्रोत

किवी हे बद्धकोष्ठतेपासून आराम देणाऱ्या फळांपैकी एक आहे. त्यात भरपूर प्रमाणात फायबर असते आणि त्यात ॲक्टिनिडिन नावाचे एंझाइम असते, जे अन्न पचनास मदत करते. त्याचे सेवन केल्याने गॅस आणि अपचन कमी होण्यास मदत होते. किवीच्या नियमित सेवनाने शौच क्रिया सुलभ होते. दररोज एक-दोन किवी खाणे पुरेसे मानले जाते.

अंजीर नैसर्गिक रेचक

बद्धकोष्ठतेसाठी ताजे आणि सुके अंजीर दोन्ही फायदेशीर मानले जातात. अंजीरमध्ये भरपूर प्रमाणात फायबर असते, जे नैसर्गिक रेचक म्हणून काम करते. त्यामुळे शौच मऊ होण्यास आणि आतड्यांची हालचाल सुधारण्यास मदत होते. दोन-चार सुके अंजीर रात्रभर पाण्यात भिजवून ठेवा. सकाळी रिकाम्या पोटी ते खा आणि तयार झालेले ते पाणीही प्या. जास्त प्रमाणात अंजीर खाल्ल्याने जुलाब किंवा पोटाचे विकार होऊ शकतात. त्यामुळे त्यांचे प्रमाणातच सेवन करा.

नाशपाती हे दुहेरी फायबर असलेले फळ आहे

बद्धकोष्ठता कमी करण्यासाठी नाशपाती अत्यंत उपयुक्त मानले जाते. त्यामध्ये विद्राव्य आणि अविद्राव्य असे दोन्ही प्रकारचे फायबर असते.विद्राव्य फायबर शौचाला मऊ करते; तर अविद्राव्य फायबर मलाचे आकारमान वाढवते, ज्यामुळे तो सहजपणे बाहेर पडण्यास मदत होते. नाशपाती नेहमी सालीसहित खावे. कारण त्याच्या सालींमध्ये सर्वाधिक प्रमाणात फायबर असते.

बद्धकोष्ठतेपासून आराम मिळवण्यासाठी केवळ फळे खाणे पुरेसे नाही. जर तुम्हाला बद्धकोष्ठतेपासून दीर्घकाळ आराम हवा असेल, तर केवळ फळे खाणे पुरेसे नाही. तसेच, लक्षात ठेवा या गोष्टी :

• दररोज पुरेसे पाणी प्या.
• आपल्या आहारात फायबरचे प्रमाण वाढवा.
• नियमित व्यायाम करा.
• तणाव कमी ठेवा.
• जास्त वेळ शौचाला बसू नका.
• पुरेशी झोप घ्या.