Hair Fall Control Food: पावसाळ्यातील ओलावा, घाम आणि स्कॅल्पवर (टाळूवर) जमा होणाऱ्या घाणीमुळे केस गळणे, कोरडेपणा, कोंडा आणि केस कमजोर होणे ही समस्या सामान्य असते. अशावेळी फक्त महागड्या हेअर प्रोडक्ट्सचा वापर करणे पुरेसे नसते, तर केसांना आतून पोषण मिळणेही खूप गरजेचे असते.

निरोगी आणि मजबूत केसांसाठी शरीराला प्रोटीन, आयर्न, बायोटिन, ओमेगा-3 फॅटी ॲसिड, झिंक आणि अनेक आवश्यक जीवनसत्त्वांची गरज असते. तुमचा आहार संतुलित असेल तर त्याचा थेट परिणाम केसांच्या आरोग्यावरही दिसून येतो.

योग्य आहार घेतल्याने केवळ केस गळणे कमी करता येत नाही, तर केस दाट, चमकदार आणि मजबूतही होऊ शकतात. चला जाणून घेऊया अशा सुपरफूड्सबद्दल, ज्यांचा आहारात समावेश करून तुम्ही केसांचे आरोग्य चांगले ठेवू शकता.

केस निरोगी ठेवण्यासाठी खा या गोष्टी

अंडे

अंडे हे प्रोटीन आणि बायोटिनचा उत्तम स्रोत आहे. यामुळे केसांची मुळे मजबूत होण्यास आणि नवीन केस वाढण्यास मदत होते.

पालक

    पालकामध्ये आयर्न, फोलेट, व्हिटॅमिन A आणि व्हिटॅमिन C मोठ्या प्रमाणात असतात. यामुळे टाळूला पोषण मिळते आणि केस मजबूत राहतात.

    हेही वाचा

    अक्रोड आणि बदाम

      यामध्ये ओमेगा-3 फॅटी ॲसिड, व्हिटॅमिन E आणि झिंक असते. हे केस तुटण्यापासून वाचवण्यास आणि केसांची चमक वाढवण्यास मदत करतात.

      दही

        दह्यामध्ये प्रोटीन आणि प्रोबायोटिक्स असतात. हे टाळू निरोगी ठेवण्यास आणि केसांची मुळे मजबूत करण्यास मदत करतात.

        मासे

          सॅल्मनसारख्या फॅटी फिशमध्ये ओमेगा-3 फॅटी ॲसिड मोठ्या प्रमाणात असते. यामुळे केस दाट आणि मऊ होण्यास मदत होते.

          रताळे

            यामध्ये बीटा-कॅरोटीन असते. ते शरीरात व्हिटॅमिन A मध्ये बदलते आणि केसांची वाढ होण्यास मदत करते.

            हेही वाचा

            आवळा

              आवळा हा व्हिटॅमिन C चा उत्तम स्रोत आहे. यामुळे शरीरात कोलेजन तयार होण्यास मदत होते आणि केस मजबूत होतात.

              बिया (फ्लॅक्स सीड, चिया सीड्स, इतर)

              यामध्ये ओमेगा-3, झिंक आणि प्रोटीन भरपूर असते. यामुळे केसांची गुणवत्ता सुधारण्यास मदत होते.

              डाळी

              डाळी या प्रोटीन, आयर्न आणि झिंकचा चांगला स्रोत आहेत. यामुळे केस गळणे कमी होण्यास मदत होऊ शकते.

              हंगामी फळे

              संत्री, कीवी, पेरू आणि बेरीज यांसारखी फळे अँटीऑक्सिडंट्स आणि व्हिटॅमिन C ने भरपूर असतात. यामुळे केस निरोगी राहण्यास मदत होते.

              केस निरोगी ठेवण्यासाठी या सवयी लावा

              • दररोज पुरेसे प्रोटीन घ्या.
              • दिवसभरात २-३ लिटर पाणी प्या.
              • ताण कमी करा आणि पुरेशी झोप घ्या.
              • वारंवार केमिकलयुक्त हेअर प्रोडक्ट्सचा वापर करू नका.
              • टाळूची नियमित स्वच्छता करा.
              • जास्त प्रमाणात हीट स्टाइलिंग करण्यापासून दूर राहा.

              (Disclaimer: वरील माहिती प्राप्त माहितीवर आधारित असून अधिक माहितीसाठी तज्ज्ञ/डॉक्टरांचा सल्ला घ्यावा.)