नवी दिल्ली : मातृत्व प्राप्त झाल्यावर आपल्या अर्भकाला स्तनपान करण्यासाठी बहुसंख्य मातांना मार्गदर्शनाची गरज असते. अशांच्या मार्गदर्शनासाठी स्तनपान सल्लागारांची मदत होते. ते या मातांना स्तनपानासंबंधी सुयोग्य सल्ले, मार्गदर्शन देतात. अशा सल्लागारांची प्रसूतीनंतर पहिल्या काही आठवडय़ांसाठी गरज असते, जेव्हा बाळ स्तनपान करणे शिकत असते. गर्भारपणाच्या काळातच, प्रसुतीनंतर, काही आठवडे, महिन्यांपर्यंतही स्तनपान सल्लागारांचा सल्ला घेता येतो.

या बातमीसह सर्व प्रीमियम कंटेंट वाचण्यासाठी साइन-इन करा

डॉक्टरांच्या मते स्तनपान ही वैयक्तिक बाब आहे. परंतु पहिले सहा महिनेतरी बाळाला स्तनपान दिले पाहिजे. काही मातांना दुखऱ्या स्तनाग्रांमुळे, अपुऱ्या दुधामुळे हे स्तनपान थांबवावेसे वाटते. या समस्यांवर मात करण्यासाठी मार्गदर्शनासाठी स्तनपानविषयक सल्लागाराची गरज असते. हे सल्लागार संबंधित मातेला भावनिक आधार व प्रोत्साहन देतात. स्तनापानाची प्रक्रिया भावनिक आणि शारीरिक असते. स्तनपान सल्लागारांच्या योग्य सल्ल्याने हा अनुभव सुखद होण्यास व काही समस्या सुटण्यास मदत होते. स्तनपानाची सुयोग्य सवय लावण्यासाठी बाळाच्या जन्मानंतर पहिले काही आठवडे महत्त्वाचे असतात. स्तनपान सल्लागार तुमच्या आरोग्याच्या इतिहासाचे आणि बाळाच्या आरोग्याशी संबंधित इतर माहिती घेऊन त्यानुसार सल्ला देतात. स्तनपानाचे निरीक्षण करून, योग्य पद्धत सुचवतात.

मराठीतील सर्व लाइफस्टाइल बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Health news counseling for breastfeeding issues is helpful zws
First published on: 04-08-2022 at 05:44 IST