तुमचंही मुलं मोबाईलशिवाय जेवत नाही? मग घ्या काळजी, अन्यथा वाढू शकतात ‘या’ समस्या

मुलांना जेवण भरताना मोबाइल देत असाल तर ‘या’ गोष्टी घ्या जाणून

१) तज्ज्ञांच्या मते, मुलांना जेवण भरवताना मोबाइल दिल्यास त्यांच्या आरोग्यावर थेट परिणाम होऊ शकतो. यामुळे ते अधिक वेगाने खातात, पण असे करणे योग्य नाही.

२) ५ वर्षांखालील मुलांचा मेंदू पूर्णपणे विकसित झालेला नसतो, या वयात भूक आणि तृप्तीची केंद्रे देखील योग्यरित्या विकसित झालेली नसतात, यामुळे त्यांना खाण्याची व पोट भरल्याची भावना समजत नाही.अशा परिस्थितीत जेव्हा तुम्ही त्याला मोबाइल देता, तेव्हा त्याला अन्नाचा वास किंवा चव नीट समजत नाही आणि त्याचे पोट लवकर भरते.

३) आई बाळाला स्तनपान देताना ऑक्सीटोसिन हा हार्मोन रिलीज होतो, ज्यामुळे आई आणि बाळामधील नाते अधिक घट्ट होते, त्याचप्रमाणे बाळाला दूध पाजल्याने केवळ हॅप्पी हार्मोन्सच रिलीज होत नाहीत तर त्याने अन्न व्यवस्थित पचण्यासही मदत होते.

४) तुमचे मूल ५ वर्षांपेक्षा लहान असल्यास स्क्रीन पाहताना त्यांना खाऊ घालणे टाळा. याचा त्यांच्या आरोग्यावर थेट परिणाम होऊ शकतो.

५) ५ वर्षांखालील मुलांना संपूर्ण पोषण मिळावे यासाठी, त्यांनी अन्न हाताने हाताळून पाहणे, त्याचा वास घेणे आणि नंतर ते हळूहळू चावणे महत्त्वाचे आहे.

६) मोबाईलमध्ये पाहत खाल्ल्याने ते गरजेपेक्षा जास्त खातात आणि यामुळे लठ्ठपणाचा धोकाही वाढू शकतो .

७) त्याचबरोबर मुलांच्या पचनक्रियेवरही परिणाम होतो आणि शरीराला अन्नातून पोषक तत्वे मिळत नाहीत.