जेवल्यानंतर आंबट ढेकर, पोट जड वाटते का? मग लगेचच ‘या’ सवयींचा करा अवलंब… त्वरित मिळेल आराम

• रात्रीचे जेवण जास्त प्रमाणात आणि पचण्यास जड पदार्थ खाल्ल्याने पोटाला अन्न पचवण्यासाठी जास्त काम करावे लागते. त्यामुळे ढेकर येणे, गॅस, पित्त आणि अस्वस्थता येते. रात्रीचे जेवण झोपण्यापूर्वी किमान २ ते ३ तास आधी खाण्याचा प्रयत्न करा. रात्रीच्या जेवणात हिरव्या भाज्या, सूप, मसूर आणि सॅलडसारखे हलके अन्न समाविष्ट करा.
• जेवणानंतर लगेच झोपणे पचनासाठी हानिकारक आहे. जेवणानंतर किमान ५ ते १० मिनिटं थोडं चाला. यामुळे अन्न पचण्यास मदत होते आणि गॅस तयार होण्याची शक्यता कमी होते.
• आले पचनास मदत करते आणि मध पोटाला आराम देते. झोपण्यापूर्वी एक कप कोमट पाण्यात थोडे किसलेले आले आणि एक चमचा मध मिसळून प्या. यामुळे गॅस, पित्त आणि आंबट ढेकर येण्यापासून आराम मिळतो.

• त्रिफळा हा एक जुना आणि विश्वासार्ह आयुर्वेदिक उपाय आहे. एक ग्लास कोमट पाण्यात एक चमचा त्रिफळा पावडर मिसळून दररोज रात्री झोपण्यापूर्वी प्यायल्यास तुमचे पोट स्वच्छ राहण्यास, गॅस कमी होण्यास आणि सकाळी फ्रेश वाटण्यास मदत होते.
• झोपण्यापूर्वी एक ग्लास फक्त कोमट पाणी पिणे खूप फायदेशीर आहे. ते पोट स्वच्छ करते आणि पचन सुधारते. शरीरातील विषारी पदार्थ बाहेर काढण्यास देखील मदत करते.
• रात्रीच्या वेळी मसालेदार, तळलेले आणि बाहेरचे अन्नपदार्थ खाणे पोटासाठी हानिकारक ठरू शकते. या पदार्थांमुळे ढेकर येणे, गॅस आणि पित्त वाढू शकते. म्हणून रात्री साधे, हलके आणि शक्यतो घरी बनवलेले जेवण खा.

दरम्यान, आपण का खातो, कोणत्या वेळी खातो आणि त्यानंतर काय करतो यावर आपल्या शरीराचे आरोग्य आणि बऱ्याच गोष्टी अवलंबून असतात. त्यामुळे जीवनशैली स्थिर नसली तरीही खाण्या-पिण्याचे काही नियम तुमचा रोजचा त्रास कमी करू शकतात.