Potassium Deficiency Symptoms: पोटॅशियम हे एक महत्त्वाचे खनिज आहे. ते शरीराची अनेक महत्त्वाची कार्ये योग्यरित्या पार पाडण्यास मदत करते. ते हृदय, स्नायू आणि मज्जासंस्थेसाठी महत्त्वाचे आहे. पोटॅशियमयुक्त पदार्थांचे सेवन केल्याने हृदयाचे आरोग्य सुधारते. हे खनिज ब्लड प्रेशर नियंत्रित करते आणि हृदयविकारांना प्रतिबंध करते. ते स्नायूंना शिथिल करण्यास मदत करते आणि चेतासंकेत प्रसारित करण्यात महत्त्वाची भूमिका बजावते. ते शरीरातील द्रवांचे संतुलन राखते. केळी पोटॅशियमचा सर्वात समृद्ध स्त्रोत मानली जातात. मात्र, काही लोकांना केळी आवडत नाहीत किंवा त्यांची ॲलर्जी असते. त्यामुळे ते केळी खाणे टाळतात. जर तुम्हाला पोटॅशियमची कमतरता दूर करायची असेल आणि केळी खाणे टाळायचे असेल तर तुम्ही पोटॅशियमचे प्रमाण वाढवण्यासाठी काही विशिष्ट पदार्थांचे सेवन करू शकता.
जागतिक आरोग्य संघटनेनुसार, आहारात पोटॅशियमचे प्रमाण वाढवल्याने तरूणांमधील ब्लड प्रेशर मोठ्या प्रमाणात कमी होऊ शकतो. foodie.com वर प्रकाशित झालेल्या एका अहवालानुसार, जर तुम्हाला केळी खायची नसतील, तर तुम्ही पोटॅशियमयुक्त इतर फळे खाऊ शकता. तर मग जाणून घेऊया की, एका प्रौढ व्यक्तीला दररोज किती पोटॅशियमची गरज असते आणि केळ्यांव्यतिरिक्त इतर कोणत्या पदार्थांमधून पोटॅशियम मिळू शकते.
प्रौढ व्यक्तींसाठी पोटॅशियमचे सेवन किती असावे?
हेल्थलाइननुसार, एका मध्यम आकाराच्या केळ्यामध्ये अंदाजे ४५१ मिग्रॅ पोटॅशियम असते. एका निरोगी व्यक्तीला दररोज अंदाजे २,६०० ते ३,४०० मिग्रॅ पोटॅशियमची आवश्यकता असते. हे प्रमाण स्त्री-पुरूष यांच्यानुसार बदलू शकते. जे लोक हाय ब्लड प्रेशर नियंत्रणात ठेवण्याचा प्रयत्न करत आहेत, त्यांना ५,००० मिग्रॅपर्यंत पोटॅशियम घेण्याचा सल्ला दिला जाऊ शकतो. डॉक्टरांच्या सल्ल्याप्रमाणे योग्य प्रमाणात पोटॅशियमचे सेवन करणे महत्त्वाचे आहे.
शरीरातील पोटॅशियमच्या कमतरतेची लक्षणे
पोटॅशियमच्या कमतरतेला वैद्यकीय भाषेत हायपोकॅलेमिया म्हणतात, तसंच समस्या उद्भवू शकतात.
- स्नायू आणि नसांमध्ये बधिरता आणि पेटके येऊ शकतात
- व्यायामानंतर किंवा रात्रीच्या वेळी अचानक पेटके येऊ शकतात
- थकवा आणि अशक्तपणा
- अनियमित हृदयाचे ठोके
- मुंग्या येणे किंवा बधिरता
- पचनाशी संबंधित समस्या असू शकतात
नारळाचे पाणी
जर्नल ऑफ फिजिओलॉजिकल अँथ्रोपोलॉजीनुसार, साध्या पाण्यापेक्षा आणि स्पोर्ट्स ड्रिंक्सपेक्षा नारळाचे पाणी शरीरातील पाण्याची पातळी पूर्ववत करण्यासाठी अधिक प्रभावी आहे. व्यायामानंतर शरीराला हायड्रेट करण्यासाठी नारळाचे पाणी एक उत्तम पर्याय मानले जाते. एक कप नारळाच्या पाण्यात सुमारे ६०० मिलीग्रॅम पोटॅशियम असते. ते शरीरातील इलेक्ट्रोलाइट्सचे संतुलन राखण्यास मदत करते. पोटॅशियम व्यतिरिक्त त्यात इतर आवश्यक इलेक्ट्रोलाइट्स देखील आढळतात. ते थकवा दूर करण्यास आणि स्नायूंना आराम देण्यास उपयुक्त ठरतात. हे कमी कॅलरी असलेले पेय वजन नियंत्रणासाठी एक उत्तम स्त्रोत आहे.
ॲवोकाडो
न्यूट्रिएंट्स जर्नलनुसार, ॲवोकाडोमधील पोटॅशियम-सोडियमचे प्रमाण ह्रदयरोगाचा धोका २० टक्क्यांनी कमी करू शकते. जर तुम्हाला पोटॅशियमचे सेवन वाढवायचे असेल, तर केळ्यांऐवजी तुमच्या आहारात ॲवोकाडोचा समावेश करा. एक मध्यम आकाराचे साल काढलेले आणि बीविरहीत ॲवोकाडोमध्ये अंदाजे ६९० मिग्रॅ पोटॅशियम असते. त्यात कमी सोडियम आणि ह्रदयासाठी आरोग्यदायी फॅट्स देखील असतात. ते हृदयाच्या आरोग्यासाठी फायदेशीर आहेत. ॲवोकाडो स्मूदी आणि सॅलडमध्ये खाल्ला जाऊ शकतो. तो केवळ चविष्टच नाही, तर पोषक तत्वांनी समृद्ध असे एक सुपरफूडही आहे.
कलिंगड
कलिंगड उन्हाळ्यात केवळ स्वादिष्टच नाही, तर ते शरीर थंड ठेवण्यास आणि शरीरातील पाण्याची पातळी टिकवून ठेवण्यासही मदत करते. कलिंगडाच्या सुमारे दोन फोडींमध्ये अंदाजे ६४० मिलीग्रॅम पोटॅशियम असते. ते शरीरातील पाण्याची कमतरता भरून काढते आणि तहान शमवण्यासाठी अत्यंत प्रभावी आहे. उन्हाळ्यात थंड कलिंगड ताजेतवाने करणारे ठरते. काही लोक ते मीठ लावून खातात, तर काही जण त्यात मसाले घालतात. कलिंगड शरीरातील पाण्याची पातळी टिकवून ठेवते आणि पोटॅशियमची गरज पूर्ण करते.
मनुके
मनुका हा छोटासा पण पौष्टिक नाश्ता आहे. फक्त अर्धा कप मनुक्यांमध्ये अंदाजे ६१५ मिग्रॅ पोटॅशियम असते. हा एक गोड आणि खायला सोपा पर्याय आहे जो तुमच्या पोटॅशियमची गरज पूर्ण करण्यास मदत करतो. इतर सुक्या मेव्यासोबत मिसळूनही तो खाल्ला जाऊ शकतो.
ॲप्रिकॉट (जर्दाळू)
सुकवलेले जर्दाळू पोटॅशियमचा उत्तम स्त्रोत आहेत. फक्त अर्धा कप सुकवलेल्या जर्दाळूमध्ये अंदाजे ७५५ मिग्रॅ पोटॅशियम असते. ते शरीराची दैनंदिन गरज पूर्ण करते. याची चव किंचित गोड आणि आंबट असते.
भोपळा
भोपळ्याची साधारणपणे भाजी बनवली जाते. मात्र, वनस्पतीशास्त्रानुसार, ते एक फळ आहे. अर्धा कप भिजसवलेल्या भोपळ्यात अंदाजे ४६५ मिग्रॅ पोटॅशियम असते. तो पोषक तत्वांनी समृद्ध असून त्याचा वापर विविध पदार्थांमध्ये केला जाऊ शकतो. भोपळ्याचा वापर सूप, स्ट्यू, करी आणि अगदी गोड पदार्थांमध्येही केला जातो.
