भारतातील प्रसिद्ध संगीतकार एआर रेहमानने आपल्या आवाजाने जगभरातील संगीतप्रेमींना अक्षरश: वेड लावलं. त्यांची अनेक गाणी आजही चाहत्यांना तितकीच आपलीशी वाटतात. त्याने आजवर अनेक चित्रपटांसाठी संगीत दिले. पण, संगीताव्यतिरिक्त एआर रेहमान त्याच्या परखड वक्तव्यामुळेही खूप चर्चेत असतो. नुकत्याच झालेल्या एका कार्यक्रमादरम्यान एआर रेहमानने आपल्या मानसिक आरोग्याविषयी भाष्य केले. प्रसिद्ध संगीतकाराने खुलासा केला की, तरुणपणात त्याला आत्महत्येच्या विचारांनी ग्रासले होते. त्याच्या मनात अनेकदा आयुष्य संपवून टाकण्याचे विचार यायचे. त्यावेळी त्याची दिवंगत आई करीमा बेगम यांच्या मदतीने तो शेवटी या अतिशय कठीण आणि आव्हानात्मक परिस्थितीतून बाहेर आला. आईने त्याला प्रत्येक वेळी चांगल्या वाईट गोष्टींसाठी मोलाचे मार्गदर्शन केले.

या बातमीसह सर्व प्रीमियम कंटेंट वाचण्यासाठी साइन-इन करा

ऑक्सफर्ड युनियन डिबेटिंग सोसायटीच्या विद्यार्थ्यांच्या मेळाव्याला संबोधित करताना रेहमान म्हणाला की, “मी लहान असताना जेव्हा मला आत्महत्येचे विचार येत होते, तेव्हा माझी आई म्हणायची, ‘जेव्हा तुम्ही इतरांसाठी जगता, तेव्हा तुम्हाला हे विचार येणार नाहीत.’ माझ्या आईकडून मला मिळालेला हा सर्वात सुंदर सल्ला आहे. जेव्हा तुम्ही इतरांसाठी जगता आणि तुम्ही स्वार्थी नसता, तेव्हा तुमच्या जीवनाला एक अर्थ असतो. मी ते खूप गांभीर्याने घेतले. मग, जेव्हा तुम्ही एखाद्या गोष्टीसाठी काहीतरी लिहित असाल, एखाद्या गरजू व्यक्तीसाठी अन्न विकत घेता किंवा तुम्ही एखाद्याकडे पाहून हसत असाल, तेव्हा या गोष्टी तु्म्हाला पुढे जाण्यासाठी प्रेरणा देतात.

मराठीतील सर्व हेल्थ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Ar rahman shared how his mom helped him deal with suicidal thoughts how to help loved ones thoughts of suicide and get support sjr
First published on: 13-01-2024 at 18:28 IST