कोलेस्ट्रॉलची समस्या झपाट्याने वाढत असून अनेक लोक त्याला बळी पडत आहेत. हा चरबीसारखा चिकट पदार्थ आहे, जो तुमच्या रक्तात आढळतो. तुमचे यकृत सुद्धा ते बनवते आणि ते तुम्ही खात असलेल्या चुकीच्या अन्नापासून बनते. अर्थात, शरीराच्या चांगल्या कार्यासाठी ते आवश्यक आहे, परंतु जेव्हा रक्तातील त्याचे प्रमाण खूप जास्त होते तेव्हा ते एक गंभीर समस्या बनू शकते. कोलेस्टेरॉल तुमच्या रक्तवाहिन्यांच्या भिंतींवर जमा होत राहते. यामुळे तुमचा रक्तप्रवाह कमी होऊ शकतो. साहजिकच, यामुळे तुम्हाला छातीत दुखणे, कोरोनरी धमनी रोग, हृदयविकाराचा झटका आणि पक्षाघात यांसारख्या जीवघेण्या आजारांचा धोका होऊ शकतो. कोलेस्ट्रॉल वाढण्यामागे कोणती कारणे आहेत आणि ते टाळण्यासाठी काय करावे हे जाणून घेऊया. उच्च कोलेस्ट्रॉलची कारणे कोलेस्ट्रॉल तयार होण्याची अनेक कारणे आहेत आणि सर्वात महत्त्वाचे कारण म्हणजे चरबीयुक्त पदार्थांचे सेवन हे मानले जाते. मात्र, व्यायाम न करणे हे देखील यामागचे एक मोठे कारण आहे. खाण्यापिण्याबद्दल बोलायचे झाले तर सॅच्युरेटेड फॅट असलेल्या गोष्टींमुळे कोलेस्ट्रॉल झपाट्याने वाढते. असे काही द्रव आहेत जे तुम्ही दररोज सेवन करता आणि या गोष्टी कोलेस्ट्रॉल वाढवण्याचे कारण आहेत. दारू heartuk.org.uk च्या अहवालानुसार तुम्ही जेव्हा अल्कोहोल पिता तेव्हा ते तुटून पुन्हा ट्रायग्लिसेराइड्स आणि यकृतामध्ये कोलेस्टेरॉल बनते. त्यामुळे मद्यपान केल्याने तुमच्या रक्तातील ट्रायग्लिसराइड्स आणि कोलेस्टेरॉल वाढते. अल्कोहोलचे सेवन कमी केल्याने तुमची कोलेस्ट्रॉलची पातळी कमी होण्यास मदत होऊ शकते. एवढेच नाही तर दारू सोडल्याने तुमच्या हृदयाचे आरोग्य सुधारते आणि इतर हृदयविकारांचा धोकाही कमी होतो. ( हे ही वाचा; दर महिन्याला २-३ किलो वजन कमी करण्यासाठी इतका वेळ चालणे गरजेचे; मात्र तज्ज्ञांनी सांगितलेली पद्धत एकदा जाणून घ्या) पाम तेल NCBI वर प्रकाशित केलेल्या अभ्यासानुसार , इतर वनस्पती तेलांच्या तुलनेत पाम तेलामध्ये सॅच्युरेटेड फॅटचे प्रमाण जास्त असते आणि त्याचे नियमित सेवन केल्याने खराब कोलेस्टेरॉलची पातळी वाढू शकते. इतर वनस्पती तेलांच्या तुलनेत पाम तेल LDL कोलेस्ट्रॉल ०.२४ mmol/L पर्यंत वाढवू शकते. सोडा तुम्ही रोज सोडा पिता का? नवीन संशोधन असे सूचित करते की जे प्रौढ लोक दररोज किमान एक साखरयुक्त पेय पितात त्यांना डिस्लिपिडेमिया (उच्च कोलेस्टेरॉल) होण्याचा धोका जास्त असतो, ज्यामुळे हार्ट अटॅक आणि स्ट्रोकचा धोका वाढतो. गोड पेये म्हणजेच सॉफ्ट ड्रिंक्स उन्हाळा येणार आहे आणि या दिवसात कोल्ड ड्रिंक्स आणि पॅकेज केलेले ज्यूस भरपूर प्रमाणात सेवन केले जातात. या गोष्टींमध्ये साखरेचे प्रमाण जास्त असते, ज्यामुळे अस्वास्थ्यकर चरबीचे प्रमाण वाढू शकते. अभ्यासांनी सिद्ध केले आहे की साखरयुक्त पेये उच्च ट्रायग्लिसराइड्स (खराब कोलेस्ट्रॉल) वाढवू शकतात. फुल क्रीम आणि फॅट दूध हेल्थलाइनच्या अहवालानुसार, फुल फॅट दुग्धजन्य पदार्थांचे सेवन केल्याने तुमची एलडीएल कोलेस्ट्रॉलची पातळी वाढू शकते. कारण त्यात सॅच्युरेटेड फॅट आणि कोलेस्टेरॉल जास्त असते. फुल क्रीम दुधाऐवजी लो फॅट स्किम मिल्क पिणे तुमच्यासाठी चांगले आहे.
