आल्याचे तेल पोटावर लावून फॅट्स व वजन झपाट्याने कमी होते? आल्याच्या सेवनाबाबत तज्ज्ञांचं मत जाणून घ्या

आल्याचे तेल वजनावर काय परिणाम करते?

समज: आल्याचे तेल पोटाचे फॅट्स कमी करून वजन कमी करण्यासही मदत करते

खरं काय: आल्याचे तेल पोटाचे फॅट्स कमी करण्यास मदत करत असल्याच्या दाव्याचे कोणतेही पुरावे नाहीत. आल्याचे गुणधर्म पाहता आल्याचे तेल किंवा जेवणातील वापर यामुळे शरीराला अँटी-इन्फ्लेमेंटरी, अँटिऑक्सिडंट सत्व मिळण्यास मदत होते. हे शरीरासाठी आवश्यक असले तरी यामुळे वजन कमी होतेच असे सिद्ध झालेले नाही.

आणखी वाचा

“अध्यक्षांनी अपात्रतेबाबत चुकीचा निर्णय दिला, तर…”, कायदेतज्ज्ञ असीम सरोदेंचं मोठं वक्तव्य

गणपतीला आलेला लेक, सून, नात मुंबईत निघून गेले, आणि मी पुन्हा वेडीच ठरले!

शिवाजी महाराजांच्या वाघनखांवरून वाद, शरद पवारांची पहिली प्रतिक्रिया, म्हणाले, “मला काही…”

‘दादा कचऱ्याची गाडी येत नाही’, भरकार्यक्रमात महिलेची तक्रार, अजित पवारांनी दिलं मिश्किल उत्तर, म्हणाले…

समज: आल्याच्या तेलाने पोटावर मसाज केल्याने फॅट्स कमी होऊ शकतात.

खरं काय: आल्याचे तेल पोटाच्या भागावर लावल्याने चरबी कमी होऊ शकते हा दावा सिद्ध झालेला नाही. समतोल आहार, मध्यम तीव्रतेची नियमित शारीरिक हालचाल यामुळे फॅट्स कमी होण्याचा वेग वाढू शकतो.

समज: आल्याने वजन कमी होते

खरं काय: सुदैवाने हा मुद्दा काही प्रमाणात खरा आहे. अर्थात आल्याचे तेल पोटाचे फॅट्स कमी करू शकत नाहीत. पण जर तुम्ही आल्याचा चहा, काढा, अशा पद्धतीने सेवन केल्यास वजन नियंत्रणात ठेवण्यासाठी मदत होऊ शकते. आल्यामध्ये थर्मोजेनिक गुणधर्म असल्याने यामुळे शरीराचे तापमान किंचित वाढू शकते परिणामी चयापचयाचा वेग वाढू शकतो यामुळे पचन सुरळीत होऊन शरीरात कॅलरी साठून राहात नाहीत आणि वजन कमी करण्यास मदत होऊ शकते पण हा कोणताही जादुई उपाय नाही.

समज: आल्यामुळे शरीराची सूज कमी होऊ शकते

खरं काय: आल्याचा वापर पारंपारिकपणे पचनाचा वेग वाढवण्यासाठी होतो असे अनेक तज्ज्ञ सुचवतात. आले पाचक एंझाइमचे उत्पादन वाढवण्यास आणि एकूण पचन सुधारण्यास मदत करू शकते. तसेच यामुळे पोट फुगणे व चेहऱ्याला, शरीराला येणारी सूज कमी होऊ शकते. पण याचा थेट प्रभाव वजन कमी करण्यावर होत नाही.

समज: आल्यामुळे सेल्युलाइट्स वितळण्यास मदत होते.

खरं काय: आल्याचे तेल सेल्युलाईट काढून टाकते या दाव्याचे समर्थन करण्यासाठी कोणतेही वैज्ञानिक पुरावे नाहीत. सेल्युलाईट ही एक सामान्य स्थिती आहे जी त्वचेखालील संयोजी ऊतकांमध्ये जेव्हा चरबी जमा होते तेव्हा उद्भवते. आल्याच्या तेलाचा त्वचेवर मॉइश्चरायझिंग आणि टोनिंग प्रभाव असू शकतो, परंतु ते थेट सेल्युलाईट काढून टाकू शकत नाही.

हे ही वाचा<< ‘या’ आजरांमध्ये पोहे ठरू शकतात सर्वात गुणकारी; फायदे मिळण्यासाठी कसे करावे सेवन?

निष्कर्ष: आले अप्रत्यक्षपणे पचनास मदत करून वजन नियंत्रणात ठेवण्यास मदत करू शकते, परंतु यामुळे चमत्कारिक पद्धतीने वजन व फॅट्स कमी होऊ शकतील हा सडावा योग्य नाही. आरोग्य व शरीराची सुस्थिती राखण्यासाठी शिस्त असणे आवश्यक आहे.