Sexually Transmitted Fungal Infection : अमेरिकेत लैंगिक संबंधातून सेक्शुअली ट्रान्स्मिटेड फंगल इन्फेक्शन या दुर्मीळ आजाराची लागण झाल्याचे एक प्रकरण समोर आले आहे. हा एक नव्या प्रकारचा संसर्ग असून, जो अमेरिकेत पहिल्यांदाच आढळल्याचे आरोग्य तज्ज्ञांनी स्पष्ट केले. जामा डर्माटोलॉजी जर्नलमध्ये प्रकाशित झालेल्या अभ्यासानुसार, लैंगिक संबंधातून पसरणाऱ्या या नव्या दुर्मीळ आजाराचा पहिला रुग्ण न्यूयॉर्क शहरात आढळून आला; ज्याचे वय वर्ष ३० होते. या नव्या आजारामुळे आता अमेरिकन आरोग्य यंत्रणा हाय अलर्टवर आहे. त्यामुळे या दुर्मीळ संसर्गाबद्दल सविस्तर जाणून घेऊ या-

अभ्यासात असे दिसून आले आहे की, फंगल इन्फेक्शनच्या या दुर्मीळ आजाराची लागण झालेला माणूस इंग्लंड, ग्रीस व कॅलिफोर्निया येथे गेला होता आणि जेव्हा तो न्यूयॉर्कला परतला तेव्हा त्याच्या लिंग, नितंब आणि शरीराच्या इतर भागांवरील त्वचेवर पुरळ उठू लागले; ज्याला टिनिया, असे म्हणतात. अभ्यासाबाबत प्रकाशित केल्या गेलेल्या एका प्रेस रिलीजमध्ये नमूद केलेय की, दुर्मिळ आजाराचे हे नवीन रूप ‘अत्यंत सांसर्गिक’ आहे.

मराठीतील सर्व हेल्थ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Health first rare case of sexually transmitted fungal infection founds in new york know full details sjr
First published on: 10-06-2024 at 17:40 IST