scorecardresearch

रोज सकाळी ‘हा’ चहा पिऊन दिवस सुरु केल्याने शरीराला कशी मदत होते बघा; रेसिपी व फायदे दोन्ही सांगतायत तज्ज्ञ

Chai Benefits: तुमच्या दिवसाची सुरुवात कशी होते? काही जण सकाळी एक चमचा तूप व कोमट पाणी पित तर काही चहा किंवा कॉफी पिऊन पळापळ सुरु करतात. आज आपण हे दोन्ही गट एकत्र करून एक चहा बनवणार आहोत, चला तर त्याचे फायदे जाणून घेऊया..

Start your Mornings with raw turmeric tea like chef Shipra Khanna Chai Benefits For Body Check Healthy Tea Recipe To begin A day
चहा कसा बनवायचा? कोणी प्यावा व फायदे काय (फोटो: लोकसत्ता ग्राफिक्स टीम)

Benefits Of Raw Turmeric Chai: तुमच्या दिवसाची सुरुवात कशी होते? काही जण सकाळी एक चमचा तूप व कोमट पाणी पित तर काहीजण मेथीचे, धण्याचे, जिऱ्याचे, ओव्याचे, तुळशीचे पाणी पिऊन दिवस सुरु करतात. आता हे काहीजण म्हणजे खरंतर ‘काहीच’ जण आहेत. याउलट फक्त चहा किंवा कॉफी पिऊन पळापळ सुरु करणाऱ्यांची संख्या खूपच मोठी आहे. आज आपण एक असा उपाय पाहणार आहोत जो या दोन्ही गटांना एकत्र आणू शकेल. हो बरोबर वाचलंत, छान वाफाळता चहा घेऊन तुम्ही तुमच्या दिवसाची सुरुवात करू शकता. इंस्टाग्रामवर शेफ शिप्रा खन्ना यांनी या आरोग्यदायी चहाची रेसिपी शेअर केली आहे. सुरुवातीला हा चहा कसा बनवायचा हे आपण पाहूया आणि मग याचे भन्नाट फायदे सुद्धा तज्ज्ञांकडून जाणून घेऊया..

चहा कसा बनवायचा?

साहित्य

पाणी
कच्ची हळद
गरज असल्यास गूळ

kitchen jugaad stick bindi paper on gas cylinder
Kitchen jugaad: महिलांनो सिलिंडरखाली टिकलीचं पॅकेट नक्की ठेवा; मोठ्या समस्येवर उपाय, परिणाम पाहून डोळ्यांवर विश्वास बसणार नाही
tea in weight loss diet is it necessary to quit chai on your fat loss journey know from dietician
चहा पिणे पूर्णपणे बंद केल्यास वजन होते कमी? डॉक्टर काय सांगतात, वाचा
If You Skip Sugar Jaggery All Sweets What happens to your body on a no-sugar diet for a year like Kartik Aaryan ft Chandu Champion
वर्षभर साखर न खाल्ल्याने शरीराचं काय बदल होतात? कार्तिक आर्यनचा प्रयोग तुमच्या कामी येणार का?
bathroom cleaning tip to clean dirty bath buckets
Bathroom tips : आंघोळीच्या प्लास्टिक, स्टीलच्या बादल्या कशा ठेवाल स्वच्छ? जाणून घ्या ‘या’ दोन टिप्स

पद्धत

  • थोडे पाणी उकळून घ्या.
  • उकळल्यावर गॅस बंद करा.
  • थोडी कच्ची हळद किसून घ्या. उकळी काढा
  • गाळून घ्या.

खन्ना यांनी सुद्धा आपल्या पोस्टच्या कॅप्शनमध्ये या हळदीच्या चहाचे काही फायदे नमूद केले आहेत. खन्ना सांगतात की, कच्च्या हळदीमध्ये कर्क्युमिन हे दाहक विरोधी आणि अँटिऑक्सिडंट गुणधर्म असलेले सत्व असते. कच्ची हळद जळजळ कमी करण्यास, प्रतिकारशक्ती वाढविण्यास मदत करू शकते. काही अभ्यासांनुसार, यात कर्करोगविरोधी गुणधर्म असू शकतात. तुम्हाला तुमचा चहा गोड आवडत असल्यास तुम्ही गूळ किंवा खोबऱ्याची पावडर घालू शकता.

कच्च्या हळदीच्या चहाचे फायदे

जिंदाल नेचर क्युअर इन्स्टिट्यूटच्या मुख्य आहारतज्ज्ञ सुषमा पीएस यांनी खन्ना यांच्याशी सहमती दर्शवत इंडियन एक्सस्प्रेसला माहिती दिली की, कच्च्या हळदीमध्ये मुख्यतः कर्क्यूमिन हा प्रमुख घटक असतो. तुमच्या दिनचर्येत विशेषतः सकाळच्या वेळी कच्च्या हळदीचा वापर करून, तुम्ही तुमच्या शरीरात होणारी जळजळ कमी करू शकता. विशेषतः सांधेदुखीचा सामना करणाऱ्या व्यक्तींसाठी हे फायदेशीर ठरू शकते.

याव्यतिरिक्त, क्युरक्यूमिनचे अँटिऑक्सिडंट गुणधर्म शरीरातील मुक्त रॅडिकल्सवर प्रभावी असतात ज्यामुळे पेशींचे नुकसान टाळण्यास मदत मिळू शकते. कच्च्या हळदीचे रोगप्रतिकारक शक्ती वाढवणारे गुण तुमच्या शरीराच्या संरक्षण यंत्रणा मजबूत करण्यास मदत करतात. काही अभ्यासात कर्क्युमिनमध्ये कर्करोगविरोधी गुणधर्म असू शकतात असे सुचवले असले तरी, ठोस पुरावे समोर येण्यासाठी अधिक संशोधन आवश्यक आहे. तरीही, कच्च्या हळदीचा तुमच्या दिनक्रमात समावेश करणे हे संपूर्ण आरोग्याला चालना देण्यासाठी एक सक्रिय पाऊल असू शकते.

हे ही वाचा<< ७ दिवस फक्त पाणी पित उपवास केल्यास वजन, रक्तदाब, रक्तातील साखर यात काय फरक पडतो? सूत्र समजूया..

काय लक्षात ठेवावे?

हे लक्षात घेणे महत्त्वाचे आहे की कोणत्याही फायदेशीर गोष्टीसाठी सुद्धा प्रत्येक व्यक्तीच्या शरीराची गरज आणि सहनशीलता भिन्न असते, म्हणून आपल्या आहारात महत्त्वपूर्ण बदल करण्यापूर्वी डॉक्टरांसह सल्लामसलत करणे गरजेचे आहे, विशेषत: तुम्हाला अन्य कोणते आजार असतील किंवा औषधे चालू असतील तर तज्ज्ञांचा सल्ला आवर्जून घ्या.

Latest Comment
View All Comments
Post Comment

मराठीतील सर्व हेल्थ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Start your mornings with raw turmeric tea like chef shipra khanna chai benefits for body check healthy tea recipe to begin a day svs

First published on: 12-02-2024 at 15:12 IST

संबंधित बातम्या

तुम्ही या बातम्या वाचल्या आहेत का? ×