scorecardresearch

शारीरिक संबंध न ठेवताही होऊ शकतो लैंगिक आजार? स्त्रीरोग तज्ज्ञ म्हणतात, “संक्रमित रोग…”

STI Cause: शारीरिक संबंध ठेवताना अनेक आजार होण्याचा धोका असतो. पण का शारीरिक संबंध न ठेवताही लैंगिक संक्रमित संसर्ग (STI) होऊ शकतो का? काय सांगतात तज्ज्ञ, जाणून घ्या…

physical relation
फक्त शारीरिक संबंधांमुळेच पसरतात STI? (फोटो : लोकसत्ता ग्राफिक्स टीम)

जोडप्याच्या आयुष्यातील प्रेमाचा सर्वात मोठा पाया म्हणजे लैंगिक संबंध. वैवाहिक जीवन चांगलं असण्यासाठी लैगिंक आरोग्य आणि लैगिक जीवन आनंददायी, सुरक्षित असणं गरजेचं असतं. मात्र, लैगिंक समस्यांबाबत अजून पती-पत्नी एकमेकांशी खुलेपणानं बोलत नाहीत. शारीरिक संबंध ठेवताना अनेक आजार होण्याचा धोका असतो, हे सर्वांना माहिती असेलच. वर्ल्ड हेल्थ ऑर्गनायझेशनच्या मते, जगभरात दररोज १ दशलक्षाहून अधिक लैंगिक संक्रमित संसर्ग (STI) होतात, ज्यापैकी बहुतेक लक्षणे नसलेले असतात. मग शारीरिक संबंध न ठेवता व्यक्तीला लैंगिक संक्रमित संसर्ग (STI) होऊ शकतो का? स्त्रीरोगतज्ज्ञ डॉ. जागृति वार्ष्णेय यांनी याविषयी बोलतांना इंडियन एक्सप्रेसला माहिती दिली आहे.

स्त्रीरोगतज्ज्ञ सांगतात, बहुतांश लोकांना लैंगिक संक्रमित संसर्गाबाबत ठाऊक नसतं. पण हा आजार खूप गंभीर असतो. कोणत्याही प्रकारचे असुरक्षित लैंगिक संबंध ठेवल्यास गंभीर आजारांचा सामना करण्याची शक्यता नाकारता येत नाही. लैंगिक संक्रमित संक्रमण (एसटीआय) हे असे संक्रमण आहेत जे लैंगिक संपर्काद्वारे एका व्यक्तीकडून दुसऱ्या व्यक्तीमध्ये संक्रमित होतात. हा संसर्ग सामान्यतः योनिमार्गातून, गुदद्वारातून किंवा तोंडावाटे लैंगिक संभोगातून पसरतो. परंतु इतर संक्रमित व्यक्तीच्या जवळच्या शारीरिक संपर्कात राहून देखील हे पसरू शकते. याचे कारण असे की नागीण आणि HPV सारखे काही STDs त्वचेपासून त्वचेच्या संपर्काद्वारे पसरतात.

should have sex during menstrual cycle?
कामजिज्ञासा: मासिकपाळीत सेक्स करावा का?
divocrce & term insurance
Money Mantra: घटस्फोटाचा टर्म विम्यावर कशाप्रकारे परिणाम होतो?
mental states skin disorders related
Health Special: मानसिक स्थिती आणि त्वचाविकार यांचा संबंध असतो का?
Air Mass
UPSC-MPSC : वायू राशी म्हणजे काय? त्याचा हवामानावर कसा परिणाम होतो?

(हे ही वाचा : मधुमेहाचा तुमच्या किडनीवर परिणाम होत आहे की नाही, हे कसं ओळखाल? कोणते पदार्थ खाणे टाळावेत? डाॅक्टर सांगतात… )

लैंगिक संक्रमित संक्रमण (STI) कसा पसरतो?

बहुसंख्य लैंगिक संक्रमित संक्रमण (STI) आणि आजार लैंगिक संवादातून पसरतात. रक्त, वीर्य, ​​योनिमार्गातील द्रव आणि इतर शारीरिक द्रव हे जिवाणू, विषाणू किंवा परजीवी एका व्यक्तीकडून दुसऱ्या व्यक्तीकडे लैंगिक आजारांना कारणीभूत ठरू शकतात.

तज्ज्ञ सांगतात, लैंगिक संबंध म्हणजेच सेक्समधून संसर्ग होण्याचं प्रमाण जगभरात सर्वत्र आहे. अशा संसर्गाबद्दल अनेक गैरसमज असतात. गैरसमज आणि अज्ञानामुळे अनेक लोक उपचारांपासून वंचित राहतात आणि संसर्गाचं प्रमाण वाढतं. लैंगिक संक्रमित संक्रमण सेक्स न करताही होऊ शकतो. तोंडी संक्रमण, वेश्याव्यवसाय, अनुवांशिक समस्या, औषधांचा वापर, रेझर किंवा टूथब्रश, बॅक्टेरियाचा प्रसार, त्वचेपासून त्वचेच्या संसर्ग, टॅटू, शरीर छेदन आणि मुंडणमुळे देखील एसटीआयचा प्रसार होऊ शकते. कट किंवा रक्त संक्रमणाद्वारे देखील STI होऊ शकतात.

लैंगिक संक्रमित संक्रमणाची (STIलक्षणे

  • योनीमध्ये खाज सुटणे किंवा जळजळ होणे
  • योनिमार्गातून स्त्राव किंवा गंध
  • योनीतून रक्तस्त्राव
  • लघवी करताना वेदनादायक किंवा जळजळ
  • सेक्स दरम्यान वेदना
  • खालच्या ओटीपोटात वेदना
  • जननेंद्रियावर किंवा आसपास फोड किंवा अडथळे

तुम्हाला अशा प्रकारची लक्षणे जाणवली असल्यास, डाॅक्टरांची नक्की भेट घ्या, असेही तज्ज्ञ सांगतात. म्हणून STI पासून म्हणजेच लैंगिक रोगांपासून संरक्षण हवे असल्यास कंडोम वापरण्याचा सल्ला दिला जातो, असेही त्या सांगतात. 

Latest Comment
View All Comments
Post Comment

मराठीतील सर्व हेल्थ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Sti causes can you get sexually transmitted infections sti without having sex find out what the experts say pdb

First published on: 02-10-2023 at 15:43 IST

संबंधित बातम्या

मराठी कथा ×