सोशल मीडिया सातत्याने नवनवीन कन्टेंट पोस्ट केला जातो. एकामागून एक दिसणाऱ्या विविध माहितीच्या पोस्ट तुम्हाला गोंधळात टाकू शकतात. यामध्ये असे काही व्हिडिओ असतात जे आरोग्याबाबत माहिती देतात. अनेकदा एखाद्या गोष्टीचे फायदे किंवा तोटे सांगितले जातात पण त्याचे आंधळेपणाने पालन करताना त्याचा आपल्या आरोग्यावर कसा परिणाम होईल हे सांगता येत नाही. सोशल मीडियावर सुगंधा शर्मा या आयुर्वेद सल्लागाराचा व्हिडिओ सध्या चर्चेत आला आहे ज्यात त्यांनी दावा केला होता की,”ताकाऐवजी दह्यापासून बनवलेली कढी पुढील आयुष्यात सांधेदुखी आणि वेदनांना कारणीभूत ठरू शकते.”
“दही आणि बेसन यांचे मिश्रण आरोग्यासाठी चांगले नाही. या दोन्ही पदार्थांमुळे शरीरात दाहकता वाढते. शिवाय, दही गरम करू नये. त्याऐवजी, दह्यापेक्षा लोण्यापासून बनवलेल्या ताकापासून खरं तर कढी बनवली पाहिजे. ती अधिक चवदार आहे आणि आरोग्यासाठी चांगली आहे,” असे शर्मा म्हणाले. पण शर्मा यांनी केलेल्या या दाव्यात काही तथ्य आहे हे जाणून घेण्यासाठी तज्ज्ञांशी संवाद साधलाय
दही आणि बेसन यांचे मिश्रण खरंच आरोग्यासाठी अयोग्य आहे का?
याबाबत अपोलो स्पेक्ट्रा मुंबईच्या आहारतज्ज्ञ फौजिया अन्सारी यांनी दी इंडियन एक्स्प्रेसला माहिती देताना सांगितले की,” त्यांनी सांगितले की दह्यापासून बनवलेली कढी सांधे आणि गुडघेदुखी होऊ शकते हे सिद्ध करण्यासाठी अधिक ठोस संशोधनाची आवश्यकता आहे.
“कढी एक भारतीय पदार्थ आहे . कढी खाण्याचा आणि गुडघेदुखी यांच्यात कोणताही सिद्ध संबंध नाही. जरी लॅक्टोज इनल्टॉलरन्स किंवा पोटाची समस्या असलेल्यांना कढी खाल्यामुळे अस्वस्थता जाणवू शकते, परंतु नेहमीच होईल असे नसते,” अन्सारी म्हणाले.
सोशल मीडियावर अवलंबून राहण्याऐवजी, एकूण आरोग्यासाठी वेगवेगळ्या पदार्थांचे संभाव्य परिणाम आणि फायदे समजून घेण्यासाठी पोषणतज्ज्ञ किंवा आहारतज्ज्ञांचा सल्ला घ्या, असे अन्सारी यांनी ठामपणे सांगितले.
कढी खाल्याने खरंच सांधेदुखी होते का?
अन्सारी याच्या मताशी सहमती दर्शवत, हैदराबादमधील लकडी पुल येथील ग्लेनेगल्स हॉस्पिटल्सच्या अंतर्गत औषध विभागाचे वरिष्ठ सल्लागार असलेले डॉक्टर डॉ. हरिचरण जी सांगतात, कढीचा गुडघेदुखीशी काहीही संबंध नसला तरी, त्यात दह्याचे प्रमाण जास्त असल्याने त्यात प्रथिने आणि प्रोबायोटिक्स भरपूर असतात, जे आतड्यांच्या आरोग्याला सुधारतात. पण, ते अनेकदा मोठ्या प्रमाणात तेलाने तयार केले जाते, ज्यामुळे त्याचे कॅलरीज वाढू शकतात आणि वजन किंवा कोलेस्टेरॉलची पातळी नियंत्रित करणाऱ्यांसाठी ते कमी योग्य ठरते असे ते पुढे म्हणाले.
“काही पाककृतीमध्ये तळलेले भजी कढीमध्ये घालून खाल्यास अनेक अस्वास्थ्यकर चरबीचे (unhealthy fat) प्रमाण आणखी वाढते,” असे ते पुढे म्हणाले.
ताक तुम्ही ताकापासून बनवलेली कढी खायला हवी का?
कढी सहसा उच्च ग्लायसेमिक इंडेक्स असलेल्या भाताबरोबर खाल्ली जाते, ज्यामुळे रक्तातील साखरेची पातळी जलद वाढू शकते. “मधुमेह असलेल्या व्यक्तींसाठी किंवा रक्तातील साखरेची पातळी नियंत्रित करण्याचा प्रयत्न करणाऱ्यांसाठी हे आदर्श असू शकत नाही,” असे डॉ. हरिचरण यांनी सांगितले.
हेल्दी रेसिपीसाठी कढी बनवताना कमी तेल वापरा, तळलेले पदार्थ टाळा आणि कढी तपकिरी किंवा पांढऱ्या तांदळाच्या भातासह खा. “भरपूर भाज्यांचा समावेश करणे आणि फायबरयुक्त पदार्थांसह तुमचा एकूण आहार संतुलित केल्याने कढी भातचे काही कमी आरोग्यदायी पैलू टाळण्यास मदत होऊ शकते,” डॉ. हरिचरण म्हणाले.
तुम्हाला दीर्घकाळापासून सांधेदुखीचा त्रास होत असेल, तर तज्ज्ञांचा सल्ला घ्या. ( you suffer from joint pain for an extended period, consider consulting an expert)
“तुमच्या जीवनशैलीचे आणि आहाराच्या निवडींचे बारकाईने परीक्षण केल्यानंतर, तुमचे आहारतज्ज्ञ तुमच्या हाडे आणि सांधे मजबूत करण्यासाठी आवश्यक पोषक तत्वे आणि जीवनसत्त्वे यांच्या दैनंदिन सेवनाशी जुळणारा एक योग्य आहार योजना सुचवू शकतात,” असे अन्सारी म्हणाले.
हे गुडघेदुखीशी लढण्यास प्रभावीपणे मदत करू शकते आणि लक्षणे कमी करू शकते. ऑनलाइन पाहिल्या जाणाऱ्या विविध आरोग्य टिप्सबद्दल उत्सुकता असणे स्वाभाविक असले तरी, त्यांच्याकडे गंभीर विचारसरणीने संपर्क साधणे अत्यंत महत्वाचे आहे.
