हार्ट अटॅकनं जीव जाणार नाही! फक्त एक महिना आधी दिसणारं ‘हे’ एक लक्षण ओळखा, निष्काळजीपणा महागात पडू शकतो

मेयो क्लिनिकच्या मते, हृदयविकाराच्या झटक्याने साधारणपणे १५ मिनिटांपेक्षा जास्त काळ छातीत दुखते. काही लोकांना छातीत हलकेसे दुखणे जाणवते, तर काहींना जास्त तीव्र वेदना होतात. हृदयविकाराचा झटका कोणालाही, कुठेही, कधीही येऊ शकतो. म्हणून त्याकडे दुर्लक्ष करणे चुकीचे आहे. पण हृदयविकाराच्या एक महिना आधी तुमच्या शरीरात काही बदल जाणवू लागतात. किंवा तुमचे शरीर तुम्हाला सतर्क करू लागते, असे म्हणणे चुकीचे ठरणार नाही. ही लक्षणे ओळखून, तुम्ही वेळेवर खबरदारी घेऊ शकता. हृदयविकाराच्या लक्षणांबद्दल जाणून घ्या.

हृदयविकाराच्या या लक्षणांकडे दुर्लक्ष करू नका

छातीत दुखणे
चक्कर येणे
अनियंत्रित रक्तदाब
श्वास घेण्यात अडचण
सतत थकवा जाणवणे
छातीत सतत धडधडणे

वरील लक्षणांकडे कित्येकदा बहुतांशी लोकांकडून रागाचा विपरीत परिणाम म्हणून दुर्लक्ष केले जाते.)???

सौम्य हृदयविकाराचा झटका

काही सामान्य लक्षणांमध्ये छातीत दुखणे, अस्वस्थता, श्वास घेण्यास त्रास होणे व घाम येणे यांचा समावेश आहे. लोक सहसा या लक्षणांकडे सामान्य समस्या म्हणून दुर्लक्ष करतात. बहुतेकदा वेदनाशामक औषधे घेऊन झोपी जातात. तथापि, ही सामान्य समस्या न राहता, तो हृदयविकाराचा सौम्य झटकाही असू शकतो, ज्याला सायलेंट हार्ट अटॅक, असेही म्हणतात. बहुतेक लोक हृदयविकाराच्या लक्षणांशी परिचित असतात, जसे की तीव्र छातीत दुखणे, चक्कर येणे व बेहोशी होणे. ही लक्षणे अनेकदा तीव्र स्ट्रोकनंतर उदभवतात.अ‍ॅस्पिरिनची

महिलांमध्ये गोंधळ

महिलांमध्ये हृदयविकाराची लक्षणे पुरुषांइतकी स्पष्ट नसतात. हार्मोनल बदल ही सर्वांत सामान्य लक्षणे आहेत. म्हणूनच महिलांमध्ये हृदयविकाराची मूक लक्षणे आणि हार्मोनल बदल यांबद्दल गोंधळ आहे. तथापि, महिलांना पुरुषांप्रमाणेच हृदयविकाराच्या झटक्याची लक्षणे जाणवतात. जेव्हा तुमचे हृदय वेगाने धडधडते तेव्हा तुम्हाला तुमच्या छातीत घट्टपणा जाणवू शकतो, तीव्र वेदना होऊ शकतात किंवा श्वास घेण्यास त्रास होऊ शकतो. अशा परिस्थितीत, तुम्हाला तातडीने डॉक्टरांचा सल्ला घ्यावा लागेल. हृदयविकाराचा झटका आल्यास तुम्ही ताबडतोब खालील गोष्टी कराव्यात

प्रथमोपचार म्हणून काय करावे?

• जर व्यक्ती शुद्धीवर असेल तर त्यांना ताबडतोब अ‍ॅस्पिरिनची ३०० मिलिग्रॅमची गोळी द्या. रक्त पातळ करण्यासाठी ती गोळी महत्त्वाची आहे. कधी कधी रक्ताच्या गुठळ्यांमुळे हृदयविकाराचा झटका येऊ शकतो. जर तसे एखाद्या व्यक्तीबाबत झाले, तर त्या व्यक्तीला त्या गोळीमुळे आराम मिळेल. तथापि, त्या रुग्णाला ताबडतोब रुग्णालयात घेऊन जा.
• जर रुग्ण बेशुद्ध असेल, तर त्याला ताबडतोब सपाट पृष्ठभागावर झोपवा. नंतर, श्वासोच्छ्वास आणि नाडी तपासण्यासाठी त्यांच्या नाकाजवळ बोटे ठेवा.
• जर श्वास किंवा नाडी चालू नसेल, तर ताबडतोब ‘सीपीआर’ द्या. तुमचा डावा हात सरळ ठेवा आणि तुमचा उजवा हात त्यावर ठेवा, बोटे बंद करा. नंतर, तुमचे हात रुग्णाच्या छातीच्या मध्यभागी आणून तुमच्या सर्व शक्तीनिशी दाबा.
• लक्षात ठेवा की, रुग्ण शुद्धीवर येईपर्यंत किंवा रुग्णवाहिका येईपर्यंत तुम्हाला दर मिनिटाला १०० दाब द्यावे लागतील.
• रुग्णाच्या छातीवर दाब द्या आणि दर २५-३० सेकंदांनी तोंडाने ऑक्सिजन द्या. तोंडाने ऑक्सिजन देताना व्यक्तीचे नाक बंद करा.