डोळ्यांनी अंधुक दिसतंय का? दर ६ महिन्यांनी चष्म्याचा नंबरही वाढतो? मग ‘हे’ घरगुती उपाय करून पहा…

प्रसिद्ध वैद्य आणि सुनानी औषध पद्धतीचे आरोग्य तज्ज्ञ सांगतात की, जर तुमची दृष्टी कमी होत असेल तर तुम्ही काही घरगुती उपायांचा अवलंब करू शकता. असे काही उपाय आहेत जे तुमची दृष्टी कमकुवतपणा दूर करतील, डोळे मजबूत करतील आणि दृष्टी कमी होणे थांबवतील. तज्ज्ञ हकीम सुलेमानी यांनी दि इंडियन एक्सप्रेसशी बोलताना सांगितले की, दृष्टी सुधारण्यासाठी प्रथम डोळ्यांना पोषण देणे आवश्यक आहे. डोळे मजबूत असतानाच चष्म्याची शक्ती कमी होण्याची शक्यता असते. दृष्टी सुधारण्यासाठी हकीम सुलेमानी यांनी काही घरगुती उपाय सुचवले आहेत ते जाणून घेऊ…

गाजर डोळ्यांसाठी अतिआवश्यक

तज्ज्ञांच्या मते, जर तुम्हाला तुमची दृष्टी सुधारायची असेल तर दररोज एख ग्लास गाजराचा रस प्या. गाजरातील व्हिटॅमिन ए आणि बीटा-कॅरोटीन दृष्टी सुधारण्यास मदत करतात. गाजरातील बीटा-कॅरोटीन आणि ल्युटीन सारखे घटक थेट रेटिना आणि कॉर्नियाचे संरक्षण करतात.

जर्नल ऑफ ऑप्थॅल्मोलॉजी आणि एआयएच (नॅशनल इन्स्टिट्यूट ऑफ हेल्थ)ने केलेल्या संशोधनानुसार, गाजरांमध्ये बीटा-कॅरोटीन भरपूर प्रमाणात असते. आपले शरीर त्याचे व्हिटॅमिन एमध्ये रूपांतर करते. व्हिटॅमिन ए डोळ्यांमध्ये रोडोप्सिन नावाचे प्रथिन तयार करण्यास मदत करते. रोडोप्सिन हे रंगद्रव्य आहे जे आपल्याला कमी प्रकाशात किंवा अंधारात पाहण्यास मदत करते. शरीरात त्याच्या कमतरतेमुळे रातांधळेपणाचा आजार होतो. २०१९च्या क्लिनिकल अभ्यासात असे आढळून आले की, गाजरातील बीटा-कॅरोटीनचे नियमित सेवन डोळ्यांच्या बाह्य पृष्ठभागावर वंगण आणि निरोगी राहते.

बडीशेप आणि डिंकाचा वापर

गाजर हंगामात चांगले असतात. मात्र तुम्ही ऑफ सीझनमध्ये बडीशेप आणि डिंक देखील वापरू शकता. तज्ज्ञ डिंक बडीशेप खाण्याचा सल्ला देतात. कारण ते नसांना पोषण देते. जर्नल ऑफ डायटरी सप्लिमेंट्स आणि ऑप्थॅल्मोलॉजीमधील जुन्या अहवालांच्या अलिकडच्या विश्लेषणांनुसार, बडीशेपमध्ये व्हिटॅमिन ए आणि व्हिटॅमिन सी भरपूर प्रमाणात असते. बडीशेपमध्ये अॅनेथोल नावाचे एक संयुग असते. २०२०च्या प्रयोगशाळेतील अभ्यासानुसार, ते डोळ्यांमधील दाब नियंत्रित करण्यास मदत करते. या वाढत्या दाबामुळे काचबिंदूचा (ग्लॉकोमा) धोका वाढतो. बडीशेपमध्ये अँटीऑक्सिडंट गुणधर्म भरपूर असतात, जे रेटिनाच्या जळजळीवर नियंत्रण ठेवतात आणि दृष्टी सुधारतात.

डिंक आणि बडीशेप यांचे सेवन डोळ्यांसाठी दुहेरी फायदा दते. २०२२-२३ मध्ये अपडेट केलेल्या फायटोथेरपी संशोधनात असे म्हटले आहे की, डिंक डोळ्यांची शक्ती थेट कमी करू शकत नाही, मात्र ते डोळ्यांचे रक्षण करते. आयुर्वेदानुसार, शरीरात पित्त किंवा उष्णता वाढल्याने डोळ्यांच्या बारीक शिरा कोरड्या होऊ लागतात. त्यामुळे डोळ्यांमध्ये कोरडेपणा वाढतो आणि दृष्टी अंधुक होते. अशा परिस्थितीत डिंक नैसर्गिक शीतलक म्हणून काम करते. संशोधनातून असे दिसून आले आहे की, डिंक शरीराचे तापमान नियंत्रित करते आणि डोळ्यांमध्ये स्नेहन वाढवते. त्याच्या सेवनाने डोळ्यांमधील लालसरपणा आणि जळजळ थांबते आणि दृष्टी अंधुक होत नाही.

डिंक आणि बडीशेपचे सेवन कसे करावे?

दृष्टी सुधारण्यासाठी ३ ते ४ चमचे बडीशेप पाण्यात उकळा. थोडा वेळ उकळल्यानंतर पाणी थंड करा आणि त्यात रात्रभर भिजवलेला थोडासा डिंक घाला. दोन्ही घटक चांगले मिसळा आणि दररोज सकाळी हे पाणी प्या. तुम्ही तुमच्या मुलांना त्यांची दृष्टी सुधारण्यासाठी हे पाणी देऊ शकता. हे पाणी दररोज प्यायल्याने कोरडेपणा नियंत्रित होईल, थकवा कमी होईल आणि डोळ्यांची जळजळ कमी होईल.

डोळे निरोगी या गोष्टी लक्षात ठेवा

• जर तुम्हाला तुमची दृष्टी चांगली ठेवायची असेल तर मोबाईल आणि टीव्ही पाहण्यात घालवलेल्या वेळेवर मर्यादा घाला.
• मुलांना अभ्यास करताना पुरेसा प्रकाश द्या.
• डोळे वारंवार चोळणे टाळा. कारण असे केल्याने डोळ्यांमध्ये लालसरपणा आणि जळजळ वाढू शकते.
• तुमच्या डोळ्यांसाठी आहार देखील खूप महत्त्वाचा आहे. दररोज तुमच्या आहारात हिरव्या भाज्या आणि फळे समाविष्ट करा.