भिजवलेले की ब्लांच केलेले, कोणते बदाम आरोग्यासाठी जास्त फायदेशीर?

नैसर्गिक पोषणाचा खजिना: बदाम

बदाम हे जीवनसत्त्वे, खनिजे आणि निरोगी चरबीचा (Healthy Fats) उत्तम स्रोत आहेत. यात वनस्पती-आधारित प्रथिने, अँटिऑक्सिडंट्स आणि व्हिटॅमिन ई मुबलक प्रमाणात असते. नियमितपणे बदामाचे सेवन केल्यास हृदयाचे आरोग्य सुधारते, त्वचेच्या समस्या दूर होतात आणि शरीरातील ऊर्जा टिकून राहते. मात्र, ते खाण्यासाठी तुम्ही कशी तयारी करता, याचा परिणाम त्यातील पोषक तत्वे शोषून घेण्याच्या गतीवर होतो.

बदाम ब्लांच करण्याची योग्य पद्धत

घरी बदाम ब्लांच करणे अत्यंत सोपे आहे:

1. प्रथम पाणी चांगले उकळून घ्या.
2. गॅस बंद करा आणि या गरम पाण्यात बदाम टाका.
3. २ ते ३ मिनिटांनंतर पाणी काढून टाका.
4. ब्लांच केल्यानंतर बदामाचे टरफल सहज निघते.

हे सोललेले बदाम तुम्ही थेट खाऊ शकता किंवा ओव्हनमध्ये कमी तापमानावर वाळवून नंतर वापरासाठी साठवून ठेवू शकता.

चिंग आणि भिजवणे: नेमका फरक काय?

तज्ज्ञ काय म्हणतात?

बदामाच्या सालीमध्ये टॅनिन असते, जे पोषक तत्वांचे शोषण रोखू शकते. ज्यांचे पोट संवेदनशील आहे, त्यांच्यासाठी ब्लांच केलेले बदाम उत्तम आहेत. दुसरीकडे, रात्रभर बदाम भिजवल्याने त्यातील फायटिक ॲसिड नष्ट होते, ज्यामुळे शरीराला कॅल्शियम, लोह आणि झिंक सारखी खनिजे शोषून घेणे सोपे जाते.

तज्ज्ञ अनेकदा लोकांना ब्लांच करण्याऐवजी भिजवलेले बदाम खाण्याचा सल्ला देतात, कारण त्यांची न्यूट्रिशनल प्रोफाईल अधिक परिपूर्ण असते. मात्र लहान मुले किंवा वृद्ध ज्यांना पचनाचा त्रास होतो, त्यांच्यासाठी ब्लांच केलेले बदाम अधिक फायदेशीर ठरू शकतात.

किती बदाम खावेत?

तज्ज्ञांच्या मते, दिवसातून ६ ते १० बदाम खाणे पुरेसे आहे. अतिसेवनामुळे काही दुष्परिणाम होऊ शकतात, त्यामुळे संतुलित प्रमाणातच सेवन करावे. तुम्ही बदाम भिजवून खा किंवा ब्लांच करून, ते तुमच्या गरजेवर आणि आवडीवर अवलंबून आहे.