How to Clean your Stainless Steel Bottle in 4 steps : बहुतेक लोक पाणी पिण्यासाठी स्टेनलेस स्टीलच्या बाटल्या वापरतात. प्रवासात, ऑफिस, शाळा, कॉलेज किंवा जिममध्ये जाताना बरोबर घेऊन जातात. या पाण्याच्या बाटल्या मजबूत, टिकाऊ आणि स्वच्छ करायला सोप्या असतात, ज्यामुळे त्या अनेकांची आवडती निवड ठरतात. पण, तुमच्या लक्षात आले असेल की, काही स्टीलच्या बाटलीच्या आत तांबूस, गंजाचे डाग दिसू लागले आहेत. संपूर्ण बाटली खराब झाली आहे असे समजून फेकून देण्याची गरज नाही. त्याऐवजी, तुम्ही तिची चमक परत मिळवण्यासाठी काही घरगुती उपाय वापरू शकता.
रोजच्या वापरातील स्टीलच्या बाटल्यांवर अनेकदा गंजाचे डाग पडतात, जे स्वच्छ केल्यानंतरही तसेच राहतात. हे डाग बहुतेकदा बाटलीच्या बाजूला किंवा तळाशी दिसतात. फक्त पाण्याने किंवा लिक्विड डिशवॉशिंग लिक्विडने स्वच्छ करण्याऐवजी, घरगुती उपाय वापरणे हा एक चांगला पर्याय असू शकतो. यामुळे बाटलीला नुकसान न पोहोचवता गंज काढता येतो. चला, बाटली स्वच्छ करण्यास मदत करणाऱ्या काही पद्धती पाहूया.
स्टीलच्या बाटल्यांमध्ये गंजाचे डाग का दिसतात?
स्टीलच्या बाटलीची गुणवत्ता देखील एक महत्वाचा भाग असू शकतो. स्वस्त स्टीलमध्ये निकेल आणि क्रोमियमचे प्रमाण कमी असते, ज्यामुळे गंज लवकर येऊ शकतो.
कधीकधी, आपण बाटली स्वच्छ केल्यानंतर ती पूर्णपणे कोरडी करत नाही, ज्यामुळे बाटलीच्या आतील ओल्या पृष्ठभागावर गंज लागू शकतो.
स्टीलच्या बाटलीत जास्त काळ पाणी ठेवल्यास त्यावर डाग पडू शकतात. बाटलीतील ओलावा हवेच्या संपर्कात आल्यावर गंजात बदलू शकतो.
स्टीलच्या बाटलीला आलेला गंज स्वच्छ करण्याच्या टिप्स
जर तुम्ही स्टीलची बाटली रोज वापरत असाल, तर ती नियमितपणे स्वच्छ करणे महत्त्वाचे आहे. बाटली नीट स्वच्छ न करता दीर्घकाळ वापरल्यास त्यात डाग आणि गंजाचे चिन्हे दिसू शकतात. अशावेळी बाटलीमध्ये कोमट पाणी आणि थोडे लिक्विड डिशवॉश टाका. बाटलीचे झाकण बंद करून ती एका कापडाच्या मदतीने काळजीपूर्वक हलवा. बाटलीच्या आत काही डाग दिसत असतील, तर पातळ कापड आत गुंडाळून किंवा बाटली स्वच्छ करण्यासाठी योग्य ब्रश वापरून ती स्वच्छ करा.
बाटलीच्या आतील गंजाचे डाग साफ करणे थोडे अधिक कठीण असते. यासाठी तुम्ही बेकिंग सोडा वापरू शकता. बेकिंग सोडा आणि पाण्याची घट्ट पेस्ट तयार करा आणि गंजलेल्या भागांवर लावा. जर तुमचे हात तिथे पोहोचत नसतील. तर लाकडी काडी किंवा पातळ चमचा वापरा. ही पेस्ट १५ ते २० मिनिटे तशीच राहू द्या. आता, बाटली मऊ ब्रश किंवा स्पंजने स्वच्छ करा. शेवटी, बाटली पाण्याने पूर्णपणे धुवा.
स्टीलची बाटली स्वच्छ करण्यासाठी पांढऱ्या व्हिनेगरचा वापर केला जाऊ शकतो. डाग असलेल्या भागावर थोडे व्हिनेगर टाकून ते सुमारे १० मिनिटे तसेच राहू द्या. त्यानंतर मऊ ब्रशच्या मदतीने बाटली हलक्या हाताने घासून स्वच्छ करा. नंतर बाटली पाणी आणि लिक्विड डिशवॉशने पूर्णपणे धुवा. बाटलीतील पाणी पूर्णपणे निघून जाईपर्यंत ती उघडी ठेवून व्यवस्थित कोरडी होऊ द्या. बाटली पूर्णपणे सुकल्यानंतरच तिचा पुन्हा वापर करा.
