फ्रिजचा वापर न करता नैसर्गिक पद्धतीने पाणी थंड कसे करावे? ‘हा’ सोपा उपाय ठरेल फायदेशीर

नैसर्गिक पद्धतीने पाणी कसे थंड करावे?

जर तुमच्या घरी फ्रिज नसेल किंवा फ्रिजमधील पाणी तुम्हाला प्यायला आवडत नसेल, तर तुम्ही खालील काही टिप्स फॉलो करू शकता.

मातीचा माठ वापरा

भारतात अगदी पुरातन काळापासून थंड पाणी पिण्यासाठी मातीच्या भांड्याचा वापर केला जातो. खरं तर, मातीच्या माठात पाणी ओतल्यानंतर पाण्याचे हळूहळू त्याच्या पृष्ठभागावरून बाष्पीभवन होते, ज्यामुळे ते थंड राहते. जर तुम्हाला पूर्णपणे थंड पाणी हवे असेल, तर माठ सावलीत ठेवा. त्याशिवाय तुम्ही माठावर ओले कापडदेखील ठेवू शकता.

बाटलीभोवती ओले कापड गुंडाळा

तुम्हाला प्रवासात नैसर्गिक पद्धतीने थंड पाणी हवे असेल, तर तुम्ही बाटलीबंद पाणीदेखील वापरू शकता. त्यासाठी आधी बाटली पाण्याने भरा. आता ही बाटली पाण्यात भिजवलेल्या सुती कापडात गुंडाळा आणि सावलीत ठेवा. तुम्ही ते हवेशीर ठिकाणीदेखील ठेवू शकता. अशा प्रकारे पाणी थोड्याच वेळात पूर्णपणे थंड होईल. ही बाटली तुम्ही प्रवासातही वापरू शकता.

तांब्याची भांडी वापरा

तांब्याचा वापर पौराणिक काळापासून केला जात आहे. तुम्ही तांब्याच्या भांड्यातही पाणी साठवू शकता. खरे तर, त्यात पाणी ठेवल्याने ते तापमान नियंत्रित करते, ज्यामुळे पाणी थंड राहते. त्याशिवाय त्यातील पाणी पिण्याचे अनेक आरोग्यदायी फायदेही आहेत.