Flowers Garden at Balcony: सोशल मीडियावर दिसणाऱ्या रील्समध्ये तुम्ही आजपर्यंत घर कसं सजवायचं याच्या अनेक टिप्स पाहिल्या असतील. आपलंही घर तसं फॅन्सी असावं, घरी आल्यावर प्रसन्न वाटावं, अशी आपली पण इच्छा असते. अगदी छोटं का होईना जसंही घर असेल त्याच्या खिडकीत, दारापाशी एक तरी फुलझाडं लावण्याची अनेकांना हौस असते.
तुम्हीही जेव्हा हौशीने ही फुलझाडं आणता तेव्हा त्याला सुरवातीला छान बहर आलेला असतो पण एक दोन वेळा फुलं येऊन गेल्यावर मात्र एकही फुल येत नाही. मग नुसतीच वेल वाढत जाऊन दारा- खिडक्यांमध्ये अडचणच वाढू लागते. अशावेळी तुमच्या दारात पसरलेली वेल छान सुंदर फुलांनी मोहरून जावी यासाठी आपण एक घरगुती जुगाड पाहणार आहोत..
घराच्या बागेत फुलझाड असावीत आणि त्यावर रंगीबेरंगी फुले उमलली तर ते सगळ्यांनाच आवडते. पण कधी कधी योग्य काळजी न घेतल्यामुळे रोपांना फुले कमी येतात किंवा फुलांचा आकार लहान राहतो. आज आम्ही तुम्हाला एक सोपा आणि घरगुती उपाय सांगत आहोत, ज्यामुळे रोपांवर जास्त आणि सुंदर फुले येऊ शकतात. खास म्हणजे या उपायासाठी महागडी खतं किंवा रसायनांची गरज नाही, रोज वापरातली उरलेली चहापावडरच पुरेशी आहे.
फुलझाडांना फुलं येण्यासाठी करा ‘ही’ गोष्ट
फुलझाडांना फुलं येण्यासाठी करायच्या जुगाडात आपल्याला अजिबात वेगळा खर्च करायचा नाहीये उलट आपल्याच घरात बनणाऱ्या चहाची वापरून झालेली पावडर वापरायची आहे. चहा गाळून झाल्यावर जी उकळलेली चहा पावडर गाळणीत उरते तीच तुम्हाला कुंडीत टाकायची आहे. चहाच्या पावडरमध्ये पोटॅशियम असल्याने यामुळे हे एक नैसर्गिक खत म्हणून काम करते.
खत देताना ‘या’ गोष्टी लक्षात ठेवा
सुरुवातीच्या दिवसांमध्ये म्हणजेच कळ्या यायला सुरुवात झाल्यावर तुम्ही फुलझाडांच्या कुंडीत प्रमाणाच्या पेक्षा जास्त पाणी घालू नका यामुळे मातीतील चांगले पोषक तत्व वाहून जाऊ शकते. माती अधून मधून वर खाली करा व मग त्यात ओलावा राहील एवढंच पाणी घाला. अगदी शून्य खर्चात होणारा हा जुगाड तुम्हीही वापरून पाहा आणि त्याचा रिझल्ट कसा येतोय हे कमेंट करून नक्की कळवा.
