How to lose belly fat : सध्या या धावपळीच्या आयुष्यात आपण आरोग्याकडे लक्ष देत नाही. बैठी जीवनशैली, व्यायामाचा अभाव, पौष्टिक आहाराची कमतरता यामुळे अनेक आरोग्याच्या समस्या निर्माण होत आहे. वजन वाढ व पोटवाढीची समस्या तर दिवसेंदिवस वाढताना दिसत आहे. तुमचे सुद्धा पोट सुटले का? जर हो तर ही बातमी तुमच्यासाठी आहे. अनेक वाढलेले पोट कसे कमी करावे, यासाठी आपण अनेक उपाय करतो पण काहीही फायदा होत नाही. सध्या एक व्हिडीओ व्हायरल होत आहे. या व्हिडीओमध्ये सुटलेले पोट कसे कमी करावे यासाठी काही व्यायाम सांगितले आहे. आज आपण त्याविषयीच जाणून घेणार आहोत.
या व्हायरल व्हिडीओमध्ये एक तरुण आपल्याला व्यायाम करताना दिसतो. हे व्यायाम पोट कमी करण्यासाठी फायदेशीर ठरू शकतात.
१. सुरुवातीला जमीनीवर झोपा. पाय सरळ ठेवा दोन्ही हात डोक्याजवळ पकडा. डोक्यापासून पोटापर्यंतचा भाग उचलण्याचा प्रयत्न करा
२. जमीनीवर झोपा व पाय फोल्ड करा. त्यानंतर दोन्ही हात व पोटापर्यंतचे शरीर उचलण्याचा प्रयत्न करा.
३. जमीनीवर झोपा. दोन्ही पाय सरळ ठेवा. त्यानंतर सुरुवातीला डाव्या हात आणि उजवा पाय उचलून स्पर्श करण्याचा प्रयत्न करा. फक्त पोटापर्यंतचा भाग उचलू शकता. त्यानंतर उजवा हात आणि डावा पाय उचलून एकमेकांना स्पर्श करण्याचा प्रयत्न करा.
४. जमीनीवर झोपा. दोन्ही पाय सरळ ठेवा. त्यानंतर दोन्ही हात आणि दोन्ही पाय उचला आणि हाताने पायाला स्पर्श करण्याचा प्रयत्न करा.
नियमित वरील व्यायाम केल्यास पोट कमी होण्यास मदत होऊ शकते. वरील व्यायाम कसे करावे, हे चांगल्याने समजून घेण्यासाठी खालील व्हिडीओ पाहा
balajiburange57′ या इन्स्टाग्राम अकाउंटवरून हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “पोठ कमी करण्यासाठी बेस्ट एक्सरसाइज” या व्हिडीोवर अनेक युजर्सनी प्रतिक्रिया दिल्या आहेत. एका युजरने लिहिलेय, “मांड्या बारीक कसे करावे व्यायाम सांगा” तर एका युजरने लिहिलेय, “भावा तू सांगितलेल्या एक्सरसाइजमुळे कंबरेला त्रास होतो..मी करून बघितले आहे..” अनेक युजर्सना हा व्हिडीओ खूप आवडला आहे.
