कमी दुधात चहा कसा बनवायचा? पावडर आणि पाण्याचे अचूक प्रमाण ठेवा लक्षात; चहा होईल एकदम परफेक्ट

जास्त पाणी घालू नका

जेव्हा दूध कमी असते, तेव्हा लोक अनेकदा जास्त पाणी घालतात. यामुळे चहा बेचव लागतो. त्याऐवजी, चहाचे एकूण प्रमाण कमी करा. यामुळे चहा कदाचित थोडासा पातळ होईल. पण, चव मात्र कायम राहील.

चहापत्ती पाण्यात व्यवस्थित उकळवणे

बरीच मंडळी चहा बनवताना पाणी आणि दूध एकत्र टाकण्याची चूक करतात. पण, दूध कमी असल्यास ही पद्धत काम करणार नाही. म्हणून, आधी चहापत्ती पाण्यात टाका, नंतर २-३ मिनिटे उकळवून घ्या आणि मग त्यात दूध घाला. यामुळे चहाचा रंग आणि स्वाद आणखीन खुलून येतो आणि चहा सुद्धा घट्ट होतो.

मंद आचेवर शिजवा

दूध कमी असेल तरी चहा चविष्ट बनवता येतो. यासाठी चहा मंद आचेवर १-२ मिनिटे जास्त वेळ उकळवा. त्यामुळे चहाची चव आणि रंग अधिक छान येतो. मात्र चहा खूप वेळ उकळू नका, नाहीतर तो कडवट लागू शकतो.

आले आणि वेलची वापरा

दूध कमी असेल तर चहात थोडे ताजे आले किंवा हलके ठेचलेली वेलची घाला. त्यामुळे चहाला छान सुगंध येतो, चव वाढते आणि चहा अधिक दाट व स्वादिष्ट वाटतो.

रुंद पातेल्यात चहा बनवा

ही एक जुनी पण प्रभावी पद्धत आहे. रुंद पातेल्यात चहा बनवल्याने किंवा उकळवल्याने चहा एकसारखा शिजतो. यामुळे सर्व पदार्थ अधिक चांगल्या प्रकारे मिसळतात, ज्यामुळे चव वाढते.

टीप

• चहाला उकळी आल्यावर गॅस मंद करा आणि पुन्हा एक उकळी येऊ द्या. त्यामुळे चहाचा रंग आणि चव अधिक चांगली येऊ शकते.
• स्किम मिल्क (कमी फॅटचे दूध) असेल तरी थोड्या दुधात चांगला चहा बनवता येतो.
• फुल-क्रीम दूध असेल तर अगदी कमी प्रमाणातही चहा छान लागतो. तसेच, फ्रिजमध्ये साठवलेली एक-दोन दिवसांची साय असेल तर तिचा एक चमचा चहात घालू शकता. त्यामुळे चहा अधिक घट्ट आणि स्वादिष्ट होतो.