लघवीमध्ये फेस आल्यास सावध व्हा; असू शकते ‘या’ महाभयंकर आजाराचे लक्षण, लघवीला फेस येणे कसे थांबवावे? जाणून घ्या

प्रत्येक वेळी फेस दिसणे हा काही आजार नाही

डॉ. राजशेखर चक्रवर्ती मदारासू म्हणतात की, कधीकधी लघवीला फेस येणे हे पूर्णपणे सामान्य असू शकते. याची अनेक सामान्य कारणे आहेत, ज्यात डिहायड्रेशन (शरीरातील पाण्याची कमतरता), जास्त वेळ लघवी रोखून धरणे, खूप घाईने लघवी करणे किंवा शौचालयातील स्वच्छता उत्पादनांचे कण यांचा समावेश होतो. दरम्यान, जर तुमची लघवी खूप गडद पिवळी असेल तर हे तुमच्या शरीराला अधिक पाण्याची गरज असल्याचे लक्षण असू शकते. दिवसभर भरपूर द्रवपदार्थ प्यायल्याने तुमची प्रकृती सुधारण्यास मदत होऊ शकते.

लघवीतील फेस थांबवण्यासाठी काय करावे?

डॉ. मदारासू म्हणतात की, जर तुमच्या लघवीला अधूनमधून फेस येत असेल, तर चांगल्या सवयी अंगीकारल्याने ते टाळता येऊ शकते. त्याबद्दल तुम्हाला हे माहीत असणे आवश्यक आहे…

पाणी पिण्यास सुरुवात करा

शरीरातील पाण्याच्या कमतरतेमुळे लघवी अधिक घट्ट होऊ शकते, ज्यामुळे लघवीला फेस येऊ शकतो, म्हणून भरपूर पाणी पिण्याचा प्रयत्न करा. पाणी आणि इतर आरोग्यदायी द्रव्यांचे सेवन हळूहळू वाढवा.

संतुलित आहार घ्या

आपल्या आहारात पुरेशी फळे, भाज्या, संपूर्ण धान्य आणि प्रथिने यांचा समावेश करा. अतिरिक्त प्रोटीन सप्लिमेंट्स घेणे टाळा, कारण काही प्रकरणांमध्ये यामुळे मूत्रपिंडांवर अतिरिक्त ताण येऊ शकतो.

रक्तदाब आणि साखरेची पातळी नियंत्रणात ठेवा

लघवीतून फेस येण्याचा धोका कमी करण्यासाठी, तुमची साखर आणि रक्तदाब नियंत्रणात ठेवा. अनियंत्रित उच्च रक्तदाब आणि मधुमेहामुळे मूत्रपिंडांना (किडनींना) नुकसान पोहोचू शकते, ज्यामुळे लघवीमध्ये प्रथिने गळतात आणि फेस येतो.

लघवीत फेस येणे हे मूत्रपिंडाच्या आजाराचे लक्षण केव्हा असते?

डॉ. मदारासू म्हणतात की, लघवीमध्ये सतत फेस येण्याकडे दुर्लक्ष करू नये. हे मूत्रपिंडातून प्रथिने गळणे, मूत्रमार्गाचा संसर्ग, मधुमेह किंवा उच्च रक्तदाब यांचे लक्षण असू शकते.

लघवीत फेस येण्याची लक्षणे कोणती आहेत?

लघवीला फेस येण्यासोबत खालीलपैकी कोणतीही लक्षणे आढळल्यास ताबडतोब डॉक्टरांचा सल्ला घ्या, जसे की:

• पाय आणि डोळ्यांभोवती सूज
• लघवी करताना वेदना आणि जळजळ
• लघवीमध्ये रक्त
• लघवी थांबून थांबून होणे
• अत्यंत थकवा आणि अशक्तपणा जाणवणे
• श्वास घेण्यास त्रास होणे इत्यादी.