मूतखडा लघवीतून गळून पडेल, फॅटी लिव्हरची समस्या कायमची दूर होईल; फक्त ‘या’ पानांची पावडर रिकाम्यापोटी प्या

भुई आवळा म्हणजे काय?

भुई आवळा ही एक औषधी वनस्पती आहे, जिला शास्त्रीय भाषेत Phyllanthus niruri (फायलँथस निरुरी) असे म्हणतात. आयुर्वेदामध्ये याचा वापर पित्त दोष संतुलित करण्यासाठी, यकृतातील विषारी घटक बाहेर काढण्यासाठी (डिटॉक्सिफिकेशन) आणि पचनसंस्था सुधारण्यासाठी केला जातो.

यकृताची सूज कमी करते

भुई आवळ्याचे सेवन केल्याने यकृताची सूज कमी होण्यास मदत होऊ शकते. यात अँटी-ऑक्सिडंट आणि दाहशामक (अँटी-इन्फ्लेमेटरी) गुणधर्म असतात, जे यकृताला ‘फॅटी लिव्हर’च्या समस्येपासून वाचवतात.

शरीर बळकट करण्यास साह्य

आयुर्वेदात ही एक अत्यंत गुणकारी औषधी वनस्पती मानली जाते. ती शरीराला आतून बळकट करते, यकृताचे कार्य सुधारते आणि शरीरातील विषारी घटक बाहेर टाकण्यास मदत करते.

मूतखडा उपाय

भूई आवळ्याच्या सर्वांत प्रसिद्ध फायद्यांपैकी एक म्हणजे त्यात मूत्रपिंडातील खडा नियंत्रित करण्याची क्षमता आहे. अनेक अभ्यासांतून असे दिसून आले आहे की, फिलॅन्थस निरुरी अर्क कॅल्शियम ऑक्झलेट क्रिस्टल्सची निर्मिती आणि एकत्रीकरण थांबवतात, जे मूतखडा निर्माण होण्याचे मुख्य कारण आहे. तसेच हे औषध केवळ मूतखड्याची वाढ थांबवत नाही, तर त्याचा आकार आणि पोतदेखील बदलण्यासाठी उत्तम आहे, ज्यामुळे मूत्रपिंडातील खडा बाहेर काढणं सोपं होते. यूएस नॅशनल लायब्ररी ऑफ मेडिसिनमध्ये प्रकाशित झालेल्या एका संशोधनातही हा दावा नमूद करण्यात आला आहे

पचनशक्ती सुधारणे

‘फॅटी लिव्हर’चा त्रास असलेल्या लोकांमध्ये पचनाशी संबंधित समस्या सामान्यपणे दिसून येतात. ‘भुई आवळा’ पचनसंस्था बळकट करण्यास आणि गॅस व अपचन यांसारख्या समस्यांपासून आराम मिळवून देण्यास मदत करू शकते.

ऑक्झिडेटिव्ह तणावावर नियंत्रण

यकृतातील चरबी कमी करण्यासोबतच, भुई आवळा ऑक्सिडेटिव्ह तणाव कमी करण्यासही मदत करतो. जर तुम्हाला अस्वस्थ करणारे विचार येत असतील किंवा तणाव जाणवत असेल, तर तुम्ही भुई आवळा (Bhui Amla) घेऊ शकता.

याचे सेवन कसे करावे?

तुम्ही याचे चूर्ण (पावडर) वापरू शकता. भुई आवळ्याचे चूर्ण अत्यंत फायदेशीर ठरू शकते. मात्र, एका वेळी एक चमच्यापेक्षा जास्त प्रमाणात याचे सेवन करू नका. जर तुम्हाला आधीपासूनच काही आरोग्यविषयक समस्या असतील, तर कृपया सेवन करण्यापूर्वी डॉक्टरांचा सल्ला घ्या.

काय लक्षात ठेवले पाहिजे?

केवळ भुई आवळा घेतल्याने फॅटी लिव्हरची समस्या पूर्णपणे बरी होत नाही. मात्र, त्यासोबतच मद्यपान, जंक फूड आणि गोड पदार्थ टाळणे फायदेशीर ठरेल. भुई आवळा पावडरचे दररोज एक चमचा या प्रमाणात सेवन करणे अत्यंत फायदेशीर ठरू शकते.