झुरळ पाहिल्यावर किळस तर येतेच, पण हा एक असा जीव आहे जो आपल्यासोबत अनेक आजारही घेऊन येतो. डब्ब्यांच्या खाली, बेसिनच्या आजूबाजूला किंवा स्वयंपाकघरात हे आढळून येतात. इतकंच नाही, तर एखादे झुरळ आपल्या घरात घुसले की बघता बघता त्यांची संख्या वाढते. अशातच घरामध्ये झुरळांची संख्या वाढण्यापूर्वी त्यांच्यावर नियंत्रण मिळवणे आवश्यक आहे. आज आपण असे काही उपाय जाणून घेऊया ज्यामुळे आपल्याला झुरळांच्या समस्येपासून सुटका करून घेण्यास मदत मिळेल.

झुरळांच्या समस्येपासून सुटका करून घेण्यासाठी घरगुती उपाय (Home Remedies to Get Rid of Cockroach)

तेजपत्ता :

अन्नाचा सुगंध आणि चव वाढवणारा तेजपत्ता, झुरळांपासून मुक्त होण्याचा एक अनोखा मार्ग आहे. झुरळांना तेजपत्त्याचा वास सहन होत नाही, म्हणून घराच्या ज्या भागात झुरळे असतील तेथे तमालपत्र ठेवा. झुरळ त्या ठिकाणाहून आपोआप पळून जातील.

parenting tips
मुलांच्या उन्हाळ्याच्या सुट्टीचा ‘असा’ करा सदुपयोग
Smartphone
‘डेटा’ग्रस्त समाज.. : समाजभानाचं हरपणं..
Home alone safety tips
मुलांना घरी एकटे ठेवण्याशिवाय पर्याय नाही? नोकरी करणाऱ्या पालकांनी मुलांना शिकव्यात ४ महत्त्वाच्या गोष्टी
Women Health
स्त्री आरोग्य : लग्नानंतर लगेच मूल होत नाहीए?

पाणीपुरी खाऊन कमी करता येणार वजन? समोर आली आश्चर्यकारक माहिती

रॉकेल :

रॉकेलचा वास फारच तीव्र असतो. झुरळांना हा वास देखील सहन होत नाही. अशावेळी फरशी पुसणाऱ्या पाण्यात थोडे रॉकेल टाकून पुसल्याने झुरळ येत नाहीत. ज्या ठिकाणी फारशी पुसता येत नाही अशा ठिकाणी रॉकेल फवारले जाऊ शकते.

लवंग :

दातदुखी आणि सर्दीमध्ये लवंगचा वापर तुम्हाला माहित असेलच, परंतु झुरळे दूर करण्यासाठी देखील हे खूप प्रभावी आहे. ज्या कपाटात, ड्रॉवरमध्ये किंवा रॅकमध्ये झुरळ असतात तेथे ४ ते ५ लवंगाचे तुकडे ठेवल्यास झुरळ या भागात कधीही फिरकणार नाहीत.

बोरिक पाउडर :

बोरिक पावडर खाल्ल्याने झुरळे मरतात. पिठात बोरिक पावडर आणि साखर मिसळून गोळे तयार करा आणि ज्या ठिकाणी झुरळ येतात त्या ठिकाणी ठेवा.

वर्कआउट करण्यापूर्वी आणि नंतर कसे आणि किती प्रमाणात पाणी प्यावे; जाणून घ्या याचे फायदे आणि तोटे

साफ-सफाई :

झुरळे सहसा फर्निचरच्या खड्ड्यात, किचन सिंकमध्ये, बाथरूमच्या जाळ्यांमध्ये राहतात आणि तिथे अंडी घालतात. अशा परिस्थितीत या ठिकाणांच्या स्वच्छतेची विशेष काळजी घ्या. शक्यतो बाथरूमच्या जाळ्यांमधून झुरळ घरात जाणार नाहीत याची काळजी घ्या.

(येथे दिलेली माहिती घरगुती उपचार आणि सामान्य माहितीवर आधारित आहे.)