International Women’s Day 2024: दरवर्षीप्रमाणे याही वर्षी ८ मार्च २०२४ रोजी ‘महिला दिन’ जगभरात साजरा केला जाणार आहे. आजच्या महिलांची जीवनशैली खूप बदलली आहे. आंतरराष्‍ट्रीय महिला दिन जवळ आला असताना महिलांनी योग्‍य पोषणासह त्‍यांच्‍या आरोग्‍याची काळजी का घेतली पाहिजे आणि सक्रिय जीवनशैली का राखली पाहिजे हे जाणून घेणे महत्त्वाचे आहे. स्त्री गृहिणी असो किंवा नोकरी करणारी तिचे संपूर्ण आयुष्य ऑफिस, घर आणि मुले सांभाळण्यात अडकलेले असते. पण या सर्वात ती स्वत:ला इतकी गुरफटून घेते की तिच्या तब्येतीकडे पूर्णपणे दुर्लक्ष करते. त्यामुळे वाढत्या वयाबरोबर तिला आरोग्यासंबंधी अनेक समस्यांना सामोरे जावे लागते. चला तर मग आज जाणू घेऊयात, स्त्रीयांनी त्यांच्या आरोग्याची कशी काळजी घ्यावी.

वाढत्या वयाबरोबर महिलांना हे गंभीर आजार होतात

वाईट जीवनशैलीमुळे महिलांमध्ये स्तनाचा कर्करोग, गर्भाशयाचा कर्करोग, ट्यूमर, बीपी, हाय बीपी, थायरॉईडची प्रकरणे दिवसेंदिवस झपाट्याने वाढत आहेत. हे लक्षात घेऊन या खास दिवशी आपण ‘मासिक पाळीच्या स्वच्छतेबद्दल’ बोलणार आहोत. मासिक पाळी दरम्यान महिलांना स्वच्छतेबाबत जागरुक करणे. तसेच या दिशेने महिलांचे सक्षमीकरण करणे अत्यंत गरजेचे आहे. कारण आजही भारतात अशी अनेक गावे आहेत जिथे महिलांना सॅनिटरी पॅड मिळत नाहीत.

सॅनिटरी पॅड आणि टॅम्पन्स नियमितपणे बदलणे

मासिक पाळी दरम्यान सॅनिटरी पॅड किंवा टॅम्पन्स नियमितपणे बदलले पाहिजेत. पॅड किंवा टॅम्पन्स दर ४ ते ६ तासांनी बदलले पाहिजेत. याऊलट जर तु्म्ही तेच पॅड तासनतास बदलले नाही तर त्यामध्ये बॅक्टेरिया वाढू शकतात आणि संसर्गाचा धोका वाढतो. जेव्हाही तुम्ही बाहेर जाल तेव्हा तुमच्या हँडबॅगमध्ये एक्स्ट्रा सॅनिटरी पॅड ठेवा.

सॅनिटरी पॅड फेकताना या गोष्टी लक्षात ठेवा

सॅनिटरी पॅड फेकून देताना ते टॉयलेट पेपर किंवा रॅपरमध्ये गुंडाळा आणि वेगळ्या डस्टबिनमध्ये ठेवा. बाथरूममध्ये सॅनिटरी पॅड कधीही फ्लश करू नका. कारण ते पाईपमध्ये अडकू शकते. त्यामुळे पर्यावरणात प्रदूषण वाढू शकते.

स्वतःच्या स्वच्छतेचीही काळजी घ्या

मासिक पाळी दरम्यान स्वतःच्या स्वच्छतेची काळजी घेणे खूप महत्वाचे आहे. आपल्या टॉयलेटची जागा कोमट पाणी आणि साबणाने कमीतकमी दोनदा स्वच्छ करा. दररोज आंघोळीबरोबर आतील कपडे बदला. बॅक्टेरिया टाळण्यासाठी सुती कपडे वापरा.

हेही वाचा >> Skincare: विकेंड स्कीनकेअर; नोकरदार महिलांनो काळजी करु नका ‘हे’ खास रुटीन फॉलो करा

हायड्रेटेड राहा आणि पौष्टिक अन्न खा

मासिक पाळी दरम्यान भरपूर पाणी प्यावे. हे तुम्हाला दिवसभर हायड्रेटेड ठेवेल. या सर्व व्यतिरिक्त भरपूर फळे आणि भाज्या खा. मासिक पाळी दरम्यान योग्य आहाराचे पालन केले पाहिजे. कॅफिन आणि खारट पदार्थ खाणे टाळा. कारण मासिक पाळीत असे खाल्ल्याने सूज आणि अस्वस्थता वाढू शकते.