How To Keep Onions Fresh : कांदे हा अनेकांच्या आहारातील मुख्य बहुगुणी पदार्थ आहे. त्यामुळ लोक पावसाळ्यात मोठ्या प्रमाणात कांदे साठवून ठेवतात, परंतु पावसाळ्यात कांदे सडून लवकर खराब होण्याचा धोका वाढतो. काही दिवसांतच त्यांना कोंब फुटू लागतात किंवा ते मऊ पडू लागतात. जर योग्य प्रकारे साठवले नाही, तर कांदे काही दिवसांतच खराब होऊ शकतात, ज्यामुळे कांदे तर खराब होतातच आणि पैसाही वाया जातो. पण तुम्ही साठवणुकीच्या काही सोप्या टिप्स वापरून कांदे दीर्घकाळ ताजे ठेवू शकता. या टिप्स कोणत्या जाणून घेऊ….
पावसाळ्यात कांदे कसे साठवावे?
१) कोरड्या जागी ठेवा –
कांदे थेट सूर्यप्रकाशापासून दूर ठेवा, कारण उष्णतेमुळेही ते खराब होऊ शकतात. कांदे हवेशीर जागेत ठेवणे उत्तम, कारण यामुळे ओलावा बाष्पीभवन होण्यास मदत होते.
२) प्लास्टिकच्या पिशव्या टाळा –
प्लास्टिकच्या पिशव्यांमुळे हवा खेळती राहत नाही, ज्यामुळे ओलावा साचतो. ओलाव्यामुळे कांदे लवकर खराब होतात. त्याऐवजी, तागाच्या गोण्या, जाळीच्या पिशव्या किंवा टोपलीत ठेवा.
३) बटाट्यांपासून दूर ठेवा –
बरेच लोक कांदे आणि बटाटे एकत्र ठेवतात, परंतु हे टाळले पाहिजे. बटाट्यांमधून निघणारा ओलावा आणि वायूमुळे कांदे लवकर खराब होऊ शकतात आणि त्यांना कोंब येऊ शकतात.
४) फ्रिजमध्ये ठेवणे टाळा –
फ्रिजमधील आर्द्रतेमुळे कांदे मऊ होऊ शकतात आणि त्यांची चव बदलू शकते. तसेच चिरलेले कांदे फ्रिजमध्ये हवाबंद डब्यात २ दिवसांपर्यंत ठेवता येतात.
५) जाळीची टोपली वापरा –
कांदे अशा प्रकारे ठेवा की त्यांच्याभोवती हवा मोकळी खेळती राहील. जाळीदार प्लास्टिकची टोपली किंवा बांबूची टोपली चांगला पर्याय आहे.
वेळोवेळी तपासा – दर काही दिवसांनी साठवलेले कांदे निवडून पाहा, जे कांदे सर्वात आधी मऊ होऊ लागतील किंवा ज्यांना कोंब येऊ लागतील ते लवकरात लवकर वापरा.
