Health Benefits: बाजरीच्या फायद्यांची यादी खूप मोठी आहे. हे धान्य अनेक आश्चर्यकारक आरोग्य फायदे देणारे म्हणून ओळखले जाते. अनेक रोगांचा सामना देखील बाजरी करू शकते. बाजरीला सामान्यतः पोषक तत्वांचे पॉवरहाऊस म्हणून ओळखले जाते कारण ते शरीरासाठी अत्यंत फायदेशीर पोषक तत्वांनी भरलेले असते. बाजरी हा अनेक लोकांसाठी पोषक तत्वांचा प्रमुख स्त्रोत आहे. बाजरी जास्त पिठाच्या स्वरूपात वापरली जाते. हे पीठ तांदूळ आणि गव्हाला उत्तम पर्याय आहे. याशिवाय बाजरीचे काही आश्चर्यकारक आरोग्यदायी फायदे आहेत. त्वचेचे पोषण संशोधनानुसार, बाजरीमध्ये प्रथिने, व्हिटॅमिन बी६, जस्त, लोह आणि फोलेट सारख्या अनेक पोषक तत्वांचा समावेश आहे. हे पोषक केस आणि त्वचेसाठी गरजेचे असतात. बाजरीचे नियमित सेवन केल्याने शरीरात या विशिष्ट पोषक तत्वांच्या अभावामुळे निर्माण होणारी कमतरता टाळता येते आणि त्यामुळे त्वचा आणि केसांचे आरोग्य चांगले राहते. (हे ही वाचा: Diabetes: भात खाल्ल्याने रक्तातील साखर वाढते का?) रक्तातील साखरेची पातळी नियंत्रित करते बाजरीसारखे फायबरसमृद्ध धान्य, असे मानले जाते की टाइप २ मधुमेह असलेल्या लोकांमध्ये औषधी प्रभाव पडतो. बाजरीचे नियमित सेवन केल्याने रक्तातील साखरेची पातळी निरोगी राहते. (हे ही वाचा: Diabete: ‘या’ ३ वाईट सवयींचा मधुमेहाच्या रुग्णांना अधिक धोका! रक्तातील साखरेची पातळी सहज बिघडते) हृदयाच्या आरोग्यासाठी फायदेशीर बाजरी देखील मॅग्नेशियमचा एक समृद्ध स्त्रोत आहे, हृदयाच्या कार्यासाठी आणि त्याचे सामान्य आरोग्य राखण्यासाठी एक उत्तम पोषक तत्व आहे. पोटॅशियम समृद्ध असण्याचा अर्थ असा आहे की बाजरी खाल्ल्याने संपूर्ण शरीरात रक्त प्रवाह चांगला होऊ शकतो कारण पोटॅशियम रक्तवाहिन्या विस्तृत करते आणि त्यांच्या भिंती रुंद करायचे काम करते. (हे ही वाचा: Diabetes Diet: मधुमेहामध्ये साखरेची पातळी नियंत्रित करण्यासाठी आवर्जून खा ‘या’ ३ हिरव्या भाज्या!) वजन कमी करण्यास उपयुक्त बाजरी हा संपूर्ण धान्य पदार्थांपैकी एक मानला जातो ज्यामध्ये कॅलरीज खूप कमी असतात, अशा प्रकारे, ज्यांना त्यांच्या शरीरातून काही किलोग्रॅम काढून टाकायचे आहे अर्थात वजन कमी करायचे आहे त्यांच्यासाठी हा एक उत्तम आहार पर्याय आहे. जर तुम्ही तुमच्या नियमित आहारात बाजरी समाविष्ट केले तर ते तुमचे वजन कमी करण्यास मदत करू शकते. (हे ही वाचा: Diabetes Diet: मधुमेहाच्या रुग्णांनी आहारात आवर्जून ‘या’ भाज्यांचा करा समावेश!) ( वरील माहिती फक्त सामान्य माहिती प्रदान करते. हे कोणत्याही प्रकारे पात्र वैद्यकीय मताचा पर्याय नाही. अधिक तपशिलांसाठी नेहमी तज्ञ किंवा तुमच्या डॉक्टरांचा सल्ला घ्या. )
