वॉशिंग्टन : कमी किंवा मध्यम प्रमाणातील मानसिक तणाव आरोग्यासाठी चांगला असल्याचे संशोधन अमेरिकी संशोधकांनी केले आहे. कमी प्रमाणातील तणाव हा मेंदूचे कार्य योग्य प्रमाणात चालण्यासाठी फायदेशीर असल्याचा निष्कर्ष या संशोधकांनी काढला आहे.

जॉर्जिया विद्यापीठाच्या अंतर्गत येणाऱ्या ‘युथ डेव्हलपमेंट इन्स्टिटय़ूट’ने हे संशोधन केले आहे. अभ्यासात असे आढळून आले आहे की, कमी ते मध्यम पातळीच्या मानसिक तणावामुळे स्मरणशक्ती सुधारण्यास मदत होते. एखादा दूरध्वनी क्रमांक लक्षात ठेवणे किंवा एखाद्या विशिष्ट ठिकाणी कसे जायचे याचे दिशानिर्देश आठवणे यांसारखी दैनंदिन कामे पूर्ण करण्यासाठी लोक वापरतात ती अल्पकालीन स्मरणशक्ती असते. ती सुधारण्यास मानसिक तणाव फायदेशीर ठरतो, असे या संशोधकांनी सांगितले. मात्र हा निष्कर्ष केवळ कमी ते मध्यम पातळीच्या तणावावर आधारित आहे. जर तुमची तणावाची पातळी मध्यम पातळीपेक्षा वर गेली तर ते धोकादायक असून त्याचे रूपांतर मानसिक आजारात होऊ शकते, असेही या संशोधकांनी नमूद केले आहे. तणावाचे वाईट परिणाम अगदी स्पष्ट असून ते नवीन नाहीत, असे या संशोधक गटाचे प्रमुख असफ ओश्री यांनी सांगितले.

Clean Intestine In 20 Minutes In Morning With These Simple Five Asanas How Much Luke Warm Water To Drink First After Waking Up
Video: सकाळी उठताच १५ मिनिटांत पोट स्वच्छ होण्यासाठी करा ‘या’ पाच कृती; कोमट पाणी पिण्याचं प्रमाणही पाहा
land reforms
UPSC-MPSC : भारतातील जमीन सुधारणा अपयशी का ठरल्या? त्यामागची नेमकी कारणे काय होती?
how to make kala masala at home recipe
Recipe : आजीबाईंनी दिलेल्या प्रमाणाने घरच्याघरी बनवा ‘गोडा मसाला! लिहून घ्या हे प्रमाण
Is eating poha better than idli for breakfast
Poha Or Idli : नाश्त्यात पोह्यापेक्षा इडली खाणे चांगले? मधुमेहाच्या रुग्णांसाठी कोणता नाश्ता चांगला? वाचा, तज्ज्ञ काय सांगतात….

सतत उच्च पातळीच्या ताणाचा दुष्परिणाम मेंदूच्या कार्यावर होतो. त्यामुळे आमचे निष्कर्ष हे कमी ते मध्यम पातळीच्या मानसिक ताणावर आधारित आहे. कमी ते मध्यम तणाव पातळी व्यक्तीच्या आरोग्यासाठी फायदेशीर आहे. नैराश्य आणि असामाजिक वर्तन यांसारखा मानसिक आरोग्य विकार होण्याचा धोका कमी करण्यास मदत करू शकते. मर्यादित तणावामुळे लोकांना भविष्यातील तणावपूर्ण परिस्थितीत कसे तोंड द्यावे हे शिकण्यास मदत होते, असे ओश्री यांनी सांगितले.