नवरात्री २०२३: कोणत्या दिवशी कोणत्या रंगाला आहे महत्त्व? घटस्थापनेपासून देवीच्या ‘या’ ९ रूपांचे करा पूजन

नवरात्रीचे नऊ रंग कसे ठरतात? (Navratri Nine Colors)

पंचागकर्ते दा. कृ. सोमण यांनी लोकसत्ताला दिलेल्या माहितीनुसार, नवरात्रीत विशिष्ट रंगाचे कपडे परिधान करण्यामागे कोणतेही धार्मिक कारण नाही. तसेच याचा पाप-पुण्य, भविष्य याच्याशी काहीही संबंध नसतो. पौराणिक ग्रंथामधून प्रत्येक वाराला एक विशिष्ट रंग दिला आहे आणि त्यावरुनच नवरात्रीचे नऊ रंग ठरतात. आठवड्यात सात दिवस असल्याने जे दोन वार परत येतात, त्यादिवशी त्या रंगाचा ‘सिस्टर कलर’ म्हणजे त्याच्या जवळचा रंग त्या दिवसासाठी निवडला जातो.

आणखी वाचा

पितृपक्षातील संकष्टी चतुर्थीला ‘या’ राशींवर विघ्नराजाची कृपा बरसणार; आजपासून तुम्हाला कसा होईल फायदा?

पीरियड्सवरून होतेय तुमची ऑफिसमध्ये टिंगल?

१ ऑक्टोबरला त्रिगही राजयोग बनल्याने ‘या’ राशींच्या दारी येईल लक्ष्मी; तुम्हाला कोणत्या रूपात धनलाभ होणार, वाचा

शुक्र राशी परिवर्तन करताच ‘या’ राशींचे सुरु होणार ‘अच्छे दिन’? २९ नोव्हेंबरपर्यंत प्रत्येक कामात मिळू शकते नशीबाची साथ

नवरात्रीत नऊ रंगांचे कपडे का घालायचे? (Why Wear Nine Colors in Navratri)

वर म्हटल्याप्रमाणे हा मुद्दा पूर्णतः तुमच्या आवडीवर अवलंबून आहे व असा कोणताही लिखित नियम नाही. मात्र सणांच्या दिवसात एकोपा आणि आपण समाज म्हणून किती जोडलेले आहोत याला महत्त्व असतेच. आपल्या परिधानातून एकता दर्शवण्यासाठी अशाप्रकारे नऊ रंगांचे कपडे घातले जातात.

२०२३ नवरात्रीचे नऊ रंग व देवीची नावे (Navratri 2023 Dates, Colors & Devi Names)

प्रतिपदा- १५ ऑक्टोबर: नारंगी रंग (रविवार)

रविवारी केशरी रंग परिधान करून देवी नवदुर्गेची पूजा केली जाते, हा रंग सकारात्मक उर्जेने परिपूर्ण असतो आणि उत्साहाचे प्रतीक मानला जातो.

द्वितीया- १६ ऑक्टोबर: पांढरा रंग (सोमवार)

यादिवशी शैलपुत्रीचे पूजन केले जाते. पांढरा रंग शुद्धता व पावित्र्याचे प्रतीक आहे.

तृतीया – १७ ऑक्टोबर: लाल रंग (मंगळवार)

या दिवशी ब्रह्मचारिणी देवीची पूजा केली जाते. लाल हा रंग आवड, शुभसंकेत आणि ऊर्जेचे प्रतीक आहे.

चतुर्थी – १८ ऑक्टोबर : रॉयल निळा (बुधवार)

या दिवशी चंद्रघंटा देवीची पूजा केली जाते. निळा रंग हा विशालता, विश्वास, श्रद्धा, आत्मियया यांचे प्रतीक आहे.

पंचमी – १९ ऑक्टोबर: पिवळा (गुरुवार)

या दिवशी कृष्मांडा देवीच्या नामाचा जप केला जातो. पिवळा हा सूर्यप्रकाशाचा म्हणजेच प्रखरता, तेज व नव्या सुरुवातीचा रंग म्हणून ओळखला जातो.

षष्ठी – २० ऑक्टोबर: हिरवा रंग (शुक्रवार)

या दिवशी स्कंदमातेची पूजा केली जाते. हिरवा रंग निसर्गाचे आणि मायेचे प्रतीक मानला जातो.

सप्तमी- २१ ऑक्टोबर : राखाडी रंग (शनिवार)

या दिवशी कात्यायनी देवीची पूजा केली जाते. राखाडी रंग हा स्थिरता, अढळता आणि शिस्तबद्धतेचा रंग म्हणून ओळखला जातो.

अष्टमी- २२ ऑक्टोबर : जांभळा रंग (रविवार)

या दिवशी महागौरीचे पूजन केले जाते. जांभळा रंग हा महत्त्वाकांक्षा, ध्येय आणि उर्जेचे प्रतीक असतो.

नवमी- २३ ऑक्टोबर : मोरपंखी रंग (सोमवार)

या दिवशी सिद्धीदात्री देवीची पूजा केली जाते. मोरपंखी रंग वाढ आणि सुपिकतेचं प्रतीक आहे.

(टीप: वरील लेख हा प्राप्त माहितीवर आधारित आहे)