आता रक्तदाब नियंत्रित करणार हातावरील ‘पट्टी’!

तुमचा रक्तदाब नियंत्रित करण्यासाठी यापुढे कोणत्या गोळ्या घेण्याची किंवा इंजेक्शन टोचण्याची गरज पडणार नाही.

तुमचा रक्तदाब नियंत्रित करण्यासाठी यापुढे कोणत्या गोळ्या घेण्याची किंवा इंजेक्शन टोचण्याची गरज पडणार नाही. तुमच्या हातावर लावलेला एक पट्टी शरीरातील रक्तदाब नियंत्रित करण्याचे काम करेल. जपानमध्ये अशी पट्टी तयार करण्यात आली असून, तेथील रक्तदाबाचा त्रास असणाऱया रुग्णांवर तिचा वापरही सुरू करण्यात आलाय.
जपानमधील एका औषधनिर्मिती करणाऱया कंपनीने ही पट्टी तयार केलीये. रुग्णाने ही पट्टी हातावर चिकटवली की त्यातील औषध रुग्णाच्या त्वचेच्या माध्यमातून शरीरामध्ये उतरते आणि रक्तदाब नियंत्रित करण्याचे काम करते. रुग्ण ही पट्टी त्याच्या हातावर, छातीवर किंवा पाठीवर चिकटवू शकतो. दिवसातून एकवेळा ही पट्टी बदलावी लागते.
पट्टीच्या माध्यमातून रक्तदाब नियंत्रित करणाऱया औषधाचा रुग्णाच्या शरीराला सातत्याने पुरवठा होत असल्यामुळे ह्रदयविकाराचा झटका येण्याची किंवा पक्षाघात होण्याची शक्यता मंदावते, असे अभ्यासातून दिसून आल्याचे तज्ज्ञांचे म्हणणे आहे. ‘डेली एक्स्प्रेस’मध्ये या संदर्भात वृत्त प्रसिद्ध झाले आहे. पुढील काही महिन्यात ही पट्टी इंग्लंडमध्येही रग्णांना वापरासाठी उपलब्ध करून देण्यात येईल. प्रत्येक पट्टीमध्ये चार किंवा आठ मिलिग्रॅम औषधाची मात्रा असते. जपानमधील निट्टो डेंको कंपनीने ही पट्टी तयार केलीये.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व लाइफस्टाइल बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Now simple skin patch to treat high blood pressure

ताज्या बातम्या