Paneer or Chickpeas Which is better for your body: शाकाहारी लोकांसाठी प्रथिनांचे अनेक स्रोत उपलब्ध आहेत, परंतु या स्रोतांमध्ये प्रथिनांचे प्रमाण कमी आणि कॅलरीचे प्रमाण जास्त असते. अशा परिस्थितीत शरीराची प्रथिनांची गरज पूर्ण करण्यासाठी आहारात कोणत्या पदार्थांचा समावेश करावा याबद्दल अनेक लोक संभ्रमात पडतात. पनीर हा प्रथिनांचा सर्वोत्तम स्रोत मानला जातो. परंतु, वनस्पती आधारित प्रथिनांमध्ये लोक पांढरे चणे खाण्याची शिफारस करतात. अशा परिस्थितीत पनीर आणि पांढरे चणे यापैकी काय खावे, जे शरीरातील प्रथिनांची कमतरता पूर्ण करू शकेल आणि आवश्यक पोषणदेखील देऊ शकेल, याबद्दल अनेक लोक संभ्रमात पडतात. चला तर मग जाणून घेऊया की पांढरे चणेआणि पनीर यांपैकी प्रथिनांसाठी कोणता पदार्थ सर्वोत्तम आहे.
पनीर आणि पांढरे चण्यामध्ये किती प्रथिने असतात?
- पनीरमध्ये पांढरे चण्यापेक्षा जास्त प्रथिने असतात.
- १०० ग्रॅम पनीरमधून २१ ग्रॅम प्रथिने मिळतात.
- १०० ग्रॅम पांढऱ्या चण्यामध्ये फक्त ९ ग्रॅम प्रथिने असतात.
- पनीर आणि पांढऱ्या चण्यांमधील पौष्टिकतेची तुलना १०० ग्रॅम पनीरमधील पोषणमूल्ये
- प्रथिने २१ ग्रॅम
- कॅलरीज-२६५ ग्रॅम
- चरबी-२० ग्रॅम
- कर्बोदके-१.२ ग्रॅम
- कॅल्शियम-
- आरोग्यदायी चरबी आणि व्हिटॅमिन बी१२
पांढऱ्या चण्यातील पोषणमूल्ये
- प्रथिने – ९ ग्रॅम
- कॅलरीज १६४
- कर्बोदके २७ ग्रॅम
- फायबर ८ ग्रॅम
- यासोबतच त्यात लोह, फोलेट, मॅग्नेशियम आणि अँटीऑक्सिडंट्स असतात.
पनीर आणि पांढऱ्या चण्यांच्या पौष्टिक माहितीचा आढावा घेण्याव्यतिरिक्त लोकांनी त्यांच्या गरजा आणि शारीरिक क्षमतेनुसार त्यांपैकी एकाची निवड करावी. जरी पनीरमध्ये प्रथिने जास्त आणि चण्यांमध्ये फायबर कमी असले तरी चणे अधिक फायदेशीर आहेत.
काय खावे, पनीर की पांढरे चणे?
या प्रश्नाचे उत्तर देणे थोडे अवघड आहे. कारण लोकांनी आपल्या शरीराच्या गरजा आणि क्षमता पाहूनच या दोन्हीपैकी एकाची निवड केली पाहिजे.
पनीर कोणी खावे?
ज्यांना स्रायू वाढवायचे आहेत, उच्च प्रथिनयुक्त आहार घ्यायचा आहे आणि कमी कर्बोदके खायची आहेत, त्यांच्यासाठी पनीर सर्वोत्तम आहे.
पांढरे चणे कोणासाठी चांगले असतात?
पांढरे चणे हे फायबरयुक्त अन्न आहे, जे चरबी कमी करण्यास मदत करते. चणे हृदयाच्या आरोग्यासाठी आणि पचनासाठीदेखील चांगले असतात, त्यामुळे जर तुम्हाला स्नायू वाढवायचे नसतील तर फक्त प्रथिनांची गरज पूर्ण करण्यासाठी पांढरे चणे हा पनीरपेक्षा एक चांगला पर्याय आहे, त्यामुळे पुढच्या वेळी जेव्हा तुम्ही प्रथिनांचा स्रोत घेण्याचा विचार करत असाल तेव्हा तुमच्या गरजेनुसार पनीर आणि पांढरे हरभरे यांपैकी एक निवडा.
