Safe Time To Have Sex After Periods: प्रत्येक जोडप्याचं कुटुंब नियोजन हे त्याच्या सोयीने केलेलं असावं, काहींना लग्नानंतर वर्षभरातच बाळ हवं असतं तर काही जण आपापला वेळ घेऊन मग बाळाचा विचार करतात. जर गर्भधारणा टाळायची असेल तर शारीरिक संबंध ठेवताना अनेकांना अनेक प्रश्न पडतात. मुख्यतः पाळीच्या कितव्या दिवशी सेक्स करू शकतो हा प्रश्न बहुतांश स्त्रियांना पडतोच. मैत्रिणींनो गर्भधारणेच्या सर्व प्रश्नांसाठी आपल्याला ओव्ह्युलेशन पिरियड म्हणजेच ज्या काळात आपले शरीर गर्भधारणेसाठी सर्वात अधिक तयार असते तो काळ ओळखणे गरजेचे आहे. हे दिवस तुमच्या मासिक पाळीच्या २८ दिवसाच्या चक्रानुसार ठरतात. यासंदर्भात सविस्तर माहिती आपण जाणून घेऊयात..

ओव्ह्युलेशनचा दिवस कसा ओळखावा?

डॉ. दिपाराणी पुजारी- पंडित यांच्या माहितीनुसार, मासिक पाळीचे चक्र २८ दिवसांचे असते. मासिक पाळी नंतरचा १४ वा दिवस ओव्ह्युलेशनचा असतो. ओव्ह्युलेशनच्या ५ दिवस आधी किंवा ओव्ह्युलेशनच्या दिवशी सेक्स केल्याने गर्भधारणा होण्याची शक्यता सर्वाधिक असते. त्यामुळे मासिक पाळी संपल्यावर निदान एक आठवड्याचा कालावधी हा सुरक्षित मानला जातो. याला अपवाद असू शकतात त्यामुळे जर आपण प्रेग्नन्सी टाळत असाल तर या काळातही गर्भनिरोधक उपायांशिवाय शारीरिक संबंध ठेवणे टाळावे.

Sex after Childbirth
प्रसूतीनंतर किती दिवसांनी शारीरिक संबंध ठेवणे योग्य? डॉक्टर सांगतात…
pregnancy early sign
गर्भधारणा झाल्यानंतर ३ ते ४ दिवसांनी शरीरात दिसू लागतात ‘ही’ ५ लक्षणे; जाणून घ्या कसे ओळखावे
Early Menstruation tips
मासिक पाळी लवकर येण्यासाठी ‘या’ घरगुती उपायांचा अवलंब करा; नक्कीच फायदा मिळेल
Pregnancy: गर्भधारणेच्या पहिल्या आठवड्यात नेमकं काय होते? जाणून घ्या सुरुवातीची लक्षणं

मासिक पाळीच्या ८ ते ९ दिवस नंतर ते २१ व्या दिवसापर्यंतचा काळ हा ओव्ह्युलेशनचा असतो. मासिक पाळी नंतर लगेचच गर्भधारणा होण्याची शक्यता फारच कमी असते मात्र काही अपवादत्मक स्थितीत गर्भधारणा होऊ शकते. यामागचे मुख्य कारण म्हणजे पुरुषाचे वीर्य हे स्त्रीच्या शरीरात ७२ तासांपर्यंत राहते. अशावेळी आवश्यक काळजी घेऊनच शारीरिक संबंध प्रस्थापित करण्याचा सल्ला दिला जातो.

मासिक पाळी दरम्यान सेक्स केल्यास गर्भधारणा होते का?

मासिक पाळीच्या काळात शारीरिक संबंध केल्याने गर्भधारणा होण्याचा धोका कमी असतो. या काळात महिलांमध्ये बीजफल होत नाही. असं असलं तरीही काही स्त्रिया मासिक पाळीतही प्रजननक्षम असू शकतात, मासिक पाळीतील अनियमितपणामुळे असे होण्याची शक्यता असते.