Muskmelon Benefits In Summer: कडक ऊन आणि वाढत्या दमटपणामध्ये शरीरातील पाण्याचे प्रमाण टिकवून ठेवणे हे एका आव्हानापेक्षा कमी नाही. अशा परिस्थितीत, निसर्गाने आपल्याला मस्कमेलनच्या रूपात एक वरदान दिले आहे. ९० टक्क्यांहून अधिक पाणी आणि खूप कमी कॅलरीज असलेले हे फळ केवळ तहानच भागवत नाही, तर किडनीपासून ते त्वचेपर्यंत सर्व समस्यांवर रामबाण उपाय आहे. मग प्रश्न असा येतो की प्रत्येकाने टरबूज अर्थात मस्कमेलन खावे का?
एम्सचे माजी सल्लागार आणि साऊल हार्ट सेंटरचे संस्थापक आणि संचालक डॉ. बिमल झज्जर यांनी दि इंडियन एक्सप्रेसशी बोलताना सांगितले की, टरबूज हे कमी कॅलरी असलेले पण अत्यंत फायदेशीर फळ आहे. त्यातील समृद्ध पोषक तत्वे शरीराच्या पौष्टिक गरजा पूर्ण करतात आणि उन्हाळ्याच्या उष्णतेत शरीराला हायड्रेटेड ठेवतात.तर मग तज्ज्ञांकडून जाणून घेऊया की, हे उन्हाळ्यातील सुपर फ्रूट का आहे आणि ते खाण्याची योग्य वेळ कोणती आहे…
वेटलॉससाठी फायदेशीर
टरबूज हे कमी कॅलरी असलेले फळ आहे. १०० ग्रॅम टरबूजमध्ये अंदाजे ३० ते ३५ कॅलरीज असतात. त्यामुळे वजन कमी करण्यासाठी हा एक उत्तम पर्याय आहे. जर्नल ऑफ न्यूट्रिएंट्समध्ये प्रकाशित झालेल्या संशोधनानुसार, टरबूजसारखे पाण्याने समृद्ध फळ तृप्त करणाऱ्या (सॅटायटी हार्मोन्स) सक्रिय करते. हे खाल्ल्याने शरीराला कमी कॅलरीजमध्ये अधिक ऊर्जा मिळते आणि वजन नियंत्रणात ठेवण्यासही मदत होते.
फायबर आणि पोषक तत्वांनी समृद्ध
टरबूजमध्ये फायबर, व्हिटॅमिन सी आणि बीटा-कॅरोटीन सारखी पोषक तत्वे आढळतात. ती शरीराला आतून मजबूत करण्यास मदत करतात.
रोगप्रतिकारशक्ती वाढवण्यास प्रभावी
टरबूजमधील व्हिटॅमिन सी शरीराची प्रतिकारशक्ती वाढवते आणि शरीराला संसर्ग आणि आजारांशी लढण्यास मदत करते. नॅशनल इन्स्टिट्यूट्स ऑफ हेल्थ( NIH) नुसार, टरबूजमधील व्हिटॅमिन सी आणि व्हिटॅमिन ए (बीटा-कॅरोटीनच्या स्वरूपात) पांढऱ्या रक्तपेशींच्या निर्मितीला चालना देतात. एक कप टरबूजातून तुमच्या दैनंदिन व्हिटॅमिन सीच्यागरजेपैकी अंदाजे ७० ते ९० टक्के गरज पूर्ण होऊ शकते, जी संसर्गाशी लढण्यासाठी आवश्यक आहे.
त्वचेसाठी फायदेशीर
मस्कमेलनमधील बीटा-कॅरोटीन आणि व्हिटॅमिन सीमुळे हे फळ त्वचा निरोगी आणि चमकदार ठेवते. तसंच त्वचेचे वृद्धत्व कमी करते. जर्नल ऑफ फोटोकेमिस्टिरी अँड फोटोबायोलॉजी मध्ये प्रकाशित झालेल्या एका अभ्यासानुसार, टरबूजमधील बीटा-कॅरोटीन त्वचेखाली जमा होऊन सूर्याच्या हानिकारक अतिनील किरणांपासून एक संरक्षक कवच तयार करते. यामुळे कोलेजनच्या उत्पादनाला चालना मिळते, त्यामुळे सुरकुत्या कमी होतात.
शरीरात पाण्याची पातळी टिकवून ठेवते
टरबूजमध्ये सुमारे ९० ते ९५ टक्के पाणी असते, त्यामुळे उन्हाळ्यात ते खाल्ल्याने शरीरातील पाण्याची भरपाई होण्यास आणि डिहायड्रेशन टाळण्यास मदत होते.
पचनसंस्थेत सुधारणा करते
टरबूजमधील फायबर पचनसंस्था मजबूत करते, पोटाच्या समस्यांपासून आराम देते आणि पोटातील अल्सरवरही मदत करू शकते. एन्शियंट सायन्स ऑफ लाईफ या टरबूजच्या शीतलता देणाऱ्या परिणामाचा अभ्यास केला आहे. टरबूजमधील उच्च फायबर आणि पाण्याचे प्रमाण बद्धकोष्ठतेपासून आराम देते. त्याच्या अल्कधर्मी स्वरूपामुळे ते पोटातील आम्ल निष्प्रभ करते, त्यामुळे पोटातील अल्सर आणि आम्लपित्तापासून आराम मिळतो.
व्हिटॅमिन सी दात आणि शरीरासाठी आवश्यक आहे
एका व्यक्तीला दररोज सुमारे ४० मिग्रॅ व्हिटॅमिन सीची गरज असते. सुमारे २०० ग्रॅम टरबूज खाल्ल्याने ही गरज मोठ्या प्रमाणात पूर्ण होऊ शकते. त्यामुळे दातांचे आणि शारीरिक आरोग्य सुधारण्यास मदत होते.
डॉक्टरांचा इशारा
टरबूजचा ग्लायसेमिक इंडेक्स मध्यम असतो, त्यामुळे डायबिटीज रूग्णांनी त्याचे सेवन मर्यादित प्रमाणात करावे. टरबूज हे केवळ एक स्वादिष्ट फळ नाही, तर ते उन्हाळ्यात गारवा देणारे आणि पौष्टिक असे एक सुपरफूडसुद्धा आहे. याचा आहारात समावेश केल्याने शरीरातील पाण्याचे प्रमाण, रोगप्रतिकारशक्ती, त्वचा आणि पचनक्रिया यांना फायदा होऊ शकतो.
