तांदूळ धुतल्यानंतर ‘ते’ पाणी फेकू नका; चेहऱ्याबरोबरच घरगुती कामांसाठीही करता येईल वापर; वाचा टिप्स

भाताचे पाणी अनेक प्रकारे वापरले जाऊ शकते, जसे की रोपांची काळजी घेणे, भांडी स्वच्छ करणे, कपड्यांना हलका स्टार्च लावणे आणि ग्रेव्ही घट्ट करणे. इंटरनेटवर भाताचे पाणी पुन्हा वापरण्याच्या अनेक पद्धती उपलब्ध असल्या तरीही प्रत्येक व्हायरल उपायावर विश्वास ठेवण्याऐवजी त्याचा खरा उपयोग समजून घेणे महत्त्वाचे आहे.

भात धुतलेल्या पाण्याचा कोणत्या पद्धतीने पुन्हा वापर करता येतो?

रोप

भात धुण्याच्या पाण्यात भातामधून बाहेर पडलेला काही स्टार्च आणि काही विद्राव्य पोषक तत्वे असू शकतात. त्यामुळे असं पाणी मीठ किंवा मसाल्यांशिवाय, रोपांच्या मातीत घालता येते. पण, त्याला खत किंवा आवश्यक वनस्पती पोषक तत्वांचा पर्याय मानू नये. भात धुतल्यानंतर राहिलेलं पाणी थेट मातीत घालता येते. जर पाणी खूप घट्ट किंवा पांढरे असेल. तर त्यात थोडे साधे पाणी घालणे चांगले राहील. दररोज किंवा मोठ्या प्रमाणात घालण्याऐवजी अधूनमधून याचा वापर करा.

तेलकट किंवा जळलेली भांडी

तांदळाच्या पाण्यात असलेल्या स्टार्चमुळे, त्याचा उपयोग तेलकट किंवा जळालेली भांडी स्वच्छ करण्यासाठी केला जाऊ शकतो. याचा उपयोग भांडी भिजवण्यासाठी देखील केला जाऊ शकतो. जेव्हा तांदूळ, डाळी किंवा इतर गोष्टी वाळल्यामुळे भांड्यांना चिकटतात, तेव्हा तुम्ही तांदळाच्या उपयोग करू शकता. त्यामुळे तांदळाचे पाणी भांड्यांमध्ये ओता आणि थोडा वेळ तसेच ठेवा. यानंतर, नेहमीच्या डिशवॉशिंग लिक्विड आणि पाण्याने भांडी स्वच्छ करा. पण, याला डिशवॉशिंग लिक्विडचा पर्याय मानू नका.

कपडे

तांदळाच्या पाण्यातील स्टार्च कापडाच्या तंतूंवर हलका थर तयार करू शकतो. त्यामुळे सुती कपड्यांना किंचित कडकपणा किंवा स्टार्चसारखा फिनिश देण्यासाठी तांदळाचे पाणी वापरता येते. यासाठी कपडा स्वच्छ तांदळाच्या पाण्यात हलका भिजवून घ्या आणि नंतर नेहमीप्रमाणे वाळवा. पहिल्यांदा वापरत असल्यास, आधी कपड्याच्या लहान आणि सहज न दिसणाऱ्या भागावर त्याची चाचणी करून पाहा.

त्वचा

तांदळाचे पाणी त्वचेच्या काळजीसाठीही वापरले जाते. त्यातील स्टार्चमुळे त्वचा काही काळासाठी मऊ आणि ताजीतवानी वाटू शकते. काही जण ते फेस रिन्स म्हणून वापरतात किंवा फेस पॅकमध्ये मिसळतात. मात्र, त्वचेच्या समस्यांवर तांदळाचे पाणी हा खात्रीशीर उपाय मानला जात नाही. चेहऱ्यावर वापरण्यापूर्वी त्वचेच्या छोट्या भागावर पॅच टेस्ट करून पाहा. जळजळ, खाज किंवा इतर कोणतीही अस्वस्थता जाणवल्यास त्याचा वापर त्वरित थांबवा.

ग्रेव्ही

तांदूळ धुण्याच्या पाण्यात थोड्या प्रमाणात स्टार्च मिसळल्यास सूप, डाळ किंवा पातळ ग्रेव्हीला किंचित घट्टपणा येण्यास मदत होते. यामुळे पदार्थाचा पोत किंचित सुधारू शकतो, जरी त्याचा परिणाम कॉर्नफ्लोअरसारख्या घट्ट करणाऱ्या घटकाइतका प्रभावी नसला तरीही…