scorecardresearch

तुम्हालाही जेवल्यानंतर चहा पिण्याची सवय आहे? याचा आरोग्यावर काय परिणाम होतो जाणून घ्या

बऱ्याच जणांना दुपारी जेवल्यानंतर चहा पिण्याची सवय असते, या सवयीमुळे आरोग्यावर गंभीर परिणाम होऊ शकतात.

तुम्हालाही जेवल्यानंतर चहा पिण्याची सवय आहे? याचा आरोग्यावर काय परिणाम होतो जाणून घ्या
Photo : Freepik

चहा हे भारतीयांचे सर्वात आवडते पेय आहे. बहुतेक चहा पिणारे सर्वजण प्रत्येक दिवसाची सुरूवात चहा पिऊनच करतात. पण काहीजण फक्त सकाळी किंवा संध्याकाळी चहा न पिता दिवसभरात कधीही इच्छा झाल्यावर लगेच चहा पितात. त्यांना चहाप्रेमी म्हटले जाते. हे चहाप्रेमी कधीकधी चहाचे इतके अतिसेवन करतात, की त्यांच्या तब्येतीवर त्याचा परिणाम दिसून येतो. यातील काहीजणांना तर जेवल्यानंतरही चहा पिण्याची सवय असते. दुपारी जेवल्यानंतर किंवा कुठे बाहेर फिरायला गेल्यानंतर जेवण झाल्यावर चहा पिण्याच्या या सवयीमुळे आरोग्यावर गंभीर परिणाम होऊ शकतात याची बऱ्याच जणांना कल्पना नसते. जेवल्यानंतर चहा पिण्याच्या सवयीमुळे आरोग्यावर काय परिणाम होऊ शकतो जाणून घेऊया.

जेवल्यानंतर चहा पिण्याच्या सवयीमुळे उद्भवू शकतात या समस्या

आणखी वाचा : लहान मुलांसह मोठ्यांसाठी कोणते दूध असते फायदेशीर? गाईचे की म्हशीचे? जाणून घ्या

उच्च रक्तदाब
चहा मध्ये कॅफिन आढळते ज्यामुळे रक्तदाब म्हणजेच ब्लडप्रेशर वाढण्याची शक्यता असते. त्यामुळे ज्यांना जेवल्यानंतर चहा पिण्याची सवय असते त्यांना उच्च रक्तदाबाची समस्या उद्भवू शकते. ज्यांना आधीपासूनच हायपर टेन्शन किंवा उच्च रक्तदाबाची समस्या आहे त्यांनी जेवल्यानंतर चहा पिणे टाळावे.

हृदयाच्या आरोग्यासाठी हानिकारक
जेवल्यानंतर चहा पिणे हृदयाच्या रोगासाठी हानिकारक मानले जाते. या सवयीमुळे हृदयाचे विकार होण्याची शक्यता असते. तसेच या सवयीमुळे हृदयाचे ठोके देखील वाढू शकतात.

पचनक्रियेशी निगडित समस्या
जेवल्यानंतर चहा प्यायल्याने पचनक्रियेशी संबंधित समस्या उद्भवू शकतात. तसेच जेवल्यानंतर लगेच चहा प्यायलास जेवणातील पोषक तत्त्व मिळत नाही. चहामध्ये असणाऱ्या कॅफीनमुळे गॅस, ॲसिडिटी असा त्रास होऊ शकतो.

Body Pain Causes : तुम्हाला सतत अंगदुखी जाणवते का? जाणून घ्या यामागचे कारण

डोकेदुखी
जेवल्यानंतर चहा प्यायल्याने डोकेदुखीचा त्रास होऊ शकतो. चहामुळे होणाऱ्या गॅस व ॲसिडिटीमुळे डोकेदुखीचा त्रास होऊ शकतो.

(येथे देण्यात आलेली माहिती घरगुती उपचार आणि सामान्य माहितीवर आधारित आहे. अधिक माहितीकरिता तज्ञाचा सल्ला घ्या.)

मराठीतील सर्व लाइफस्टाइल ( Lifestyle ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

ताज्या बातम्या