scorecardresearch

Premium

हिवाळ्यात आंघोळ करताना ‘या’ पाच गोष्टींकडे लक्ष द्या; पाहा त्वचा मुलायम अन् तुकतुकीत ठेवण्यासाठी या टिप्स….

हिवाळ्यात हवेमुळे त्वचा कोरडी पडते. त्यामुळे अशा हवेमध्ये अंघोळ करताना कोणत्या गोष्टींकडे अधिक लक्ष देणे गरजेचे असते ते पाहा.

take care of your skin with these 5 tips
हिवाळ्यात त्वचा कोरडी पडू नये यासाठी या पाच टिप्स लक्षात ठेवा. [photo credit – freepik]

हिवाळ्यातील थंड हवेमुळे जशा आरोग्याच्या बारीकसारीक कुरबुरी त्रास देत असतात, तसेच या हवेचा त्वचेवरदेखील परिणाम होत असतो. त्यामुळे त्वचा कोरडी पडणे, खाज सुटणे यांसारख्या सामान्य समस्या उदभवतात. या गोष्टी टाळण्यासाठी किंवा त्यांची काळजी घेण्यासाठी अंघोळ करताना या काही महत्त्वाच्या गोष्टींकडे आपले लक्ष असणे गरजेचे असते.

हिवाळ्यादरम्यान आपल्या त्वचेची काळजी घेण्यासाठी अंघोळीच्या पाण्याचे तापमान, अंघोळीदरम्यान आणि नंतर कोणत्या गोष्टी करणे गरजेचे असते हे माहीत असायला हवे. त्यामुळे या काही टिप्स तुम्हाला मदत करू शकतील.

four couple yoga pose to stay fit together
Couple yoga poses : नाते आणि आरोग्य दोन्ही राहील उत्तम! तंदुरुस्त रहाण्यासाठी हे ४ प्रकार पाहा
marathon, medical tests, running, precautions, Health, marathi news,
Health Special: मॅरेथॉन धावताय? तर या टेस्ट केल्या आहेत का? (भाग १)
how to incorporate almonds in your diet tips
बदाम केवळ बुद्धी तल्लख करण्यासाठी नव्हे, तर पदार्थांची चव वाढवत, उत्तम आरोग्यासाठी खा! कसे ते पाहा
Why Does a Snake Flick Its Tongue again and again
साप वारंवार जीभ का बाहेर काढतात? काय आहे या मागील नेमकं कारण, जाणून घ्या

हिवाळ्यासाठी अंघोळीच्या पाच स्टेप्स

१. त्वचेची काळजी घेणारे बॉडी वॉश [मॉइश्चरायजिंग बॉडी वॉश]

थंडीच्या हवेत अंघोळ करताना नेहमीच्या साबणाऐवजी त्वचेची काळजी घेणारे असे बॉडी वॉश निवडावे. अशा वातावरणामध्ये साबण वापरल्यास त्वचेमध्ये असणारे नैसर्गिक तेल निघून जाऊ शकते. त्यामुळे ग्लिसरिन, बटर किंवा हायलारॉनिक अॅसिड [hyaluronic acid] हे घटक असणारे बॉडी वॉश निवडावे.

हेही वाचा : सकाळच्या ‘या’ सवयी ठेवतील तुम्हाला तंदुरुस्त; हिवाळ्यात आरोग्याची काळजी कशी घ्यायची पाहा…..

२. कोमट पाणी

हिवाळ्यात हवा गार असल्याने अंघोळीसाठी आपण शक्यतो गरम पाण्याचा वापर करतो. परंतु, या पाण्यात काही मिनिटांसाठी जरी बरे वाटत असले तरीही त्याचा परिणाम लगेच त्वचेवर होतो. पाणी गरम असल्याने, ते तुमच्या त्वचेवरील नैसर्गिक तेल घालवते. परिणामी तुमची त्वचा कोरडी पडते. असे न होऊ नये यासाठी अंघोळीसाठी कोमट पाण्याचा वापर करावा. त्यामुळे त्वचेतील मॉइश्चर टिकून राहण्यास मदत होते. त्यासोबतच थंड हवेत जास्त वेळ अंघोळीऐवजी केवळ पाच मिनिटे पुरेशी असू शकतात.

३. एक्सफॉलिएट [exfoliate]

अंघोळीदरम्यान त्वचेवरील डेड स्किन [मृत त्वचा] काढून टाकण्यासाठी एखाद्या स्क्रबचा किंवा अंग घासण्यासाठी वापरल्या जाणाऱ्या ब्रशचा वापर करावा. शरीरावरील जे भाग सर्वांत जास्त कोरडे पडतात. उदा. हाताचे कोपरे, गुडघे, टाचा अशा भागांकडे विशेष लक्ष द्यावे; परंतु हे सर्व हलक्या हाताने करावे, जोर लावून किंवा अतिप्रमाणात अंग घासू नका.

४. क्लिंजिंग

आपले अंग व्यवस्थित ओले करून, त्यावर त्वचेची काळजी घेणारे बॉडी वॉश लावावे. मसाजप्रमाणे या बॉडी वॉशने आपले अंग स्वच्छ करून घ्यावे. ज्या ठिकाणी शरीर सर्वाधिक कोरडे पडते अशा भागांकडे लक्ष द्यावे. असे केल्याने त्वचेमधील मॉइश्चर टिकून राहण्यास मदत होते.

५. अंग कोरडे करताना…

अंघोळ झाल्यानंतर कोणताही टॉवेल घेऊन आपले अंग घासून कोरडे करू नये. त्यामुळे त्वचेला त्याचा त्रास होऊ शकतो. त्यामुळे अंग कोरडे करण्यासाठी एखाद्या मऊ टॉवेलचा वापर करावा. अंग घासून पुसण्याऐवजी केवळ पाणी टिपून घ्या. त्यानंतर एखाद्या मॉइश्चरायझरचा वापर करावा. मॉइश्चराजरमध्ये शे बटर [shea butter] किंवा कोको बटर हे घटक असल्यास अधिक चांगले.

हेही वाचा : डोळ्याखाली काळी वर्तुळे अन् चेहरा थकल्यासारखा दिसतोय? त्वचेची काळजी घेतील ‘हे’ पाच घरगुती फेस पॅक, पाहा

याव्यतिरिक्त पाहा दोन बोनस टिप्स

१. हायड्रेट राहणे

सगळ्यांनाच ही टीप माहीत असली तरीही त्याचे पालन फार कमी प्रमाणात केले जाते आणि ते म्हणजे भरपूर पाणी पिणे. हिवाळ्यातही पाणी पिणे गरजेचे असते. त्यामुळे शरीर आतून हायड्रेट राहण्यास मदत होते.

२. त्वचेचे संरक्षण

त्वचेवर मॉइश्चरायझर आणि क्रीम लावून आपण त्वचेची काळजी घेत असतो. परंतु, बाहेर जाताना हवा अधिक प्रमाणात गार असल्यास शरीराला थंडी लागू नये यासाठी ते व्यवस्थित झाकून घेणे आवश्यक असते. त्यासाठी तुम्ही जॅकेट, स्कार्फ, मोजे व कानटोपी यांसारख्या गोष्टींचा वापर करू शकता.

Latest Comment
View All Comments
Post Comment

मराठीतील सर्व लाइफस्टाइल बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: These tips will keep your skin moisturized and soft during this cold and chilly weather check it out dha

First published on: 08-12-2023 at 18:43 IST

संबंधित बातम्या

तुम्ही या बातम्या वाचल्या आहेत का? ×