रोजच्या ‘या’ ३ वाईट सवयींमुळे तुमची किडनी होतेय निकामी; वेळीच घ्या काळजी

१) पाणी कमी पिणे

काही लोक दिवसभरात कमी पाणी पितात. पुरेसे पाणी न प्यायल्यामुळे शरीरात विषारी द्रव्ये जमा होतात. खूप कमी पाणी प्यायल्याने मूत्रपिंडांच्या कार्यावर विपरीत परिणाम होतो आणि मूत्रपिंडांवरील दाब वाढतो. मूत्रपिंडे सक्षम ठेवण्यासाठी दररोज आठ ते नऊ ग्लास पाणी प्या.

२) जास्त प्रमाणात मीठ खाणे

जास्त प्रमाणात मीठ खाणे हे मूत्रपिंडांच्या आरोग्यासाठीही धोकादायक ठरू शकते. अतिरिक्त मीठ खाल्ल्याने रक्तदाब वाढतो, जो मूत्रपिंडांसाठी हानिकारक ठरू शकतो. दीर्घकाळ उच्च रक्तदाब राहिल्याने मूत्रपिंडांची शुद्धीकरण क्षमता कमी होत जाते.

३) लघवी रोखून धरणे

काम करताना लोक अनेकदा लघवी रोखून धरतात. लघवी रोखून धरणे हे मूत्रपिंडे आणि मूत्रमार्ग या दोन्हींसाठी अत्यंत हानिकारक आहे. जर तुम्ही जास्त वेळ लघवी रोखून धरली, तर या सवयीमुळे तुमच्या मूत्रपिंडांना इजा होऊ शकते.

‘ही’ लक्षणे दिसल्यास घ्या डॉक्टरांचा सल्ला

जर तुम्हाला वारंवार थकवा, पायांना सूज, लघवीचा रंग बदल किंवा भूक न लागणे यांसारखी लक्षणे जाणवत असतील, तर या लक्षणांकडे दुर्लक्ष करू नका. शक्य तितक्या लवकर डॉक्टरांचा सल्ला घ्या. हे मूत्रपिंडांच्या समस्येसंबंधित लक्षणे असू शकतात.

मूत्रपिंडे सक्षम ठेवण्यासाठी उपाय

डॉक्टरांच्या मते, मूत्रपिंडे सक्षम ठेवण्यासाठी मीठ आणि साखरेचे मर्यादित प्रमाणात सेवन करावे, दररोज व्यायाम करावा, डॉक्टरांचा सल्ला घेतल्याशिवाय औषधे घेऊ नयेत आणि वेळोवेळी आरोग्य तपासणी करून घ्यावी.