तुमचे पाय ओरडून सांगतायत ‘हा’ मोठा धोका! पायात दिसणारी लक्षणे सामान्य समजण्याची चूक करू नका

आयुर्वेदिक डॉक्टर दिव्यांनी भगत यांच्या मते, पायांमधील नसा आणि रक्तप्रवाह आपल्या हृदय, किडनी आणि मजासंस्थेच्या आरोग्याशी थेट जोडलेल्या असतात जे गंभीर आजाराचा इशारा देतात जेणेकरून तुम्ही वेळीच आजाराचे निदान करू शकाल.

पायात दिसणारे छोटे बदल थकवा समजून आपण नेहमी दुर्लक्ष करतो. वैद्यकीय स्त्रानुसार,पायात वारंवार सूज येणे, मुंग्या येणे किंवा पाय अचानक थंड पडणे समान्य गोष्ट नाही. डॉक्टर दिव्यानी भगत यांच्या मते, या संकेतांना योग्य वेळी ओळखून मोठ्या आरोग्य समस्यांपासून वाचता येऊ शकते. पायात दिसणारे कोणते लक्षण आहे जे एखाद्या गंभीर आजाराचा इशारा देतात आणि त्यांना कसे ओळखावे हे जाणून घेऊ या.

वारंवार पाय सुजणे किडनीच्या समस्याचे संकेत (Frequent swelling of the legs is a sign of kidney problems)

डॉक्टर दिव्यानी भगत यांनी सांगितले की पायांमध्ये वारंवार आणि सातत्याने सूज दिसत असेल आणि ही सूज तुमचे पाय, घोटे किंवा पंजावर सातत्याने कायम राहत असेल तर त्याकडे दुर्लक्ष करू नका. हे किडनीचे कार्यात अडथळा निर्माण झाल्याचे लक्षण आहे. जेव्हा किडनी शरीरातील अतिरिक्त द्रव पदार्थ योग्य पद्धतीने बाहेर टाकू शकत नाही तर शरीराच्या खालच्या भागात सूज येते.

टाचांना भेगा पडणे हे केवळ कोरडेपणामुळे नव्हे ओमेगा-३ च्या कमतरतेमुळेही होते (Cracked heels are not only caused by dryness but also by a lack of omega-3s)

हिवाळ्याशिवाय जर वर्षभर टाचांना भेगा पडत असतील आणि त्वचा खूप कोरडी वाटत असेल, तर हे शरीरात ओमेगा-३ फॅटी ॲसिडची कमतरता असल्याचे लक्षण असू शकते. ओमेगा-३ फॅटी ॲसिड त्वचेला ओलावा टिकवून ठेवण्यास आणि पेशींना निरोगी ठेवण्यास मदत करतात. ओमेगा-३ च्या कमतरतेमुळे त्वचेला पुरेसे पोषण मिळण्यास अडथळा येऊ शकतो, ज्यामुळे टाचा कोरड्या आणि भेगाळलेल्या होऊ शकतात.

वारंवार पायांमध्ये पेटके येणे आहे मॅग्नेशियमच्या कमतरतेचा इशारा (Only cramps in the legs are due to magnesium deficiency)

पायांना पेटके येणे, स्नायूंमध्ये ताण येणे किंवा दिवसा आणि रात्री झोपताना वारंवार पेटके येणे, हे शरीरातील मॅग्नेशियमच्या कमतरतेचे लक्षण मानले जाते. हे खनिज स्नायू आणि मज्जातंतूंच्या सामान्य कार्यासाठी आवश्यक आहे. याच्या कमतरतेमुळे स्नायू दुखण्याची आणि ताठरपणाची समस्या वाढू शकते.

पायांची आग होणे हे मधुमेह आणि थायरॉईडचे प्रारंभिक लक्षण असू शकते (Burning feet can be an early symptom of diabetes and thyroid.)

जर कोणत्याही स्पष्ट कारणाशिवाय पायांच्या तळव्यांची आग होणे, उष्णता किंवा टोचल्यासारखे वाटत असेल, तर ते मधुमेहाशी संबंधित नसलेल्या समस्येचे लक्षण असू शकते. दीर्घकाळ रक्तातील साखरेचे प्रमाण जास्त राहिल्याने नसांना इजा पोहोचू शकते, ज्यामुळे पायांची आग होते. काही लोकांना हवामान सामान्य असतानाही त्यांच्या पायांमध्ये सतत गारवा जाणवतो. डॉक्टरांच्या मते, हे रक्ताभिसरण कमी असणे, थायरॉईडचा विकार किंवा मधुमेहाचे लक्षण असू शकते.

पायांना मुंग्या येणे हे व्हिटॅमिन बी१२ च्या कमतरतेचे लक्षण आहे (Tingling in the feet is a symptom of vitamin B12 deficiency)

जर तुम्हाला तुमच्या पायांमध्ये वारंवार मुंग्या येणे, बधिरता किंवा टोचल्यासारखे वाटत असेल, तर ते व्हिटॅमिन बी१२ च्या कमतरतेशी संबंधित असू शकते. नसा निरोगी ठेवण्यासाठी व्हिटॅमिन बी१२ आवश्यक आहे. जेव्हा त्याची कमतरता होते, तेव्हा मज्जासंस्थेवर परिणाम होऊ शकतो आणि पायांमध्ये असामान्य संवेदना जाणवू शकतात.

डॉक्टरांचा सल्ला कधी घ्यावा? (When should you consult a doctor?)

तज्ञांच्या मते, केवळ या लक्षणांच्या आधारावर कोणत्याही आजाराचे निदान करता येत नाही. जर या समस्या कायम राहिल्या, वाढल्या किंवा त्यांच्यासोबत इतर लक्षणे दिसू लागली, तर डॉक्टरांचा सल्ला घेणे आणि आवश्यक तपासणी करून घेणे गरजेचे आहे.