कडधान्य-मसाल्यात कधीच लागणार नाही कीड, पडणार नाही अळ्या; वर्षभर टिकवण्यासाठी वापरा ‘या’ ट्रिक्स

डाळी आणि मसाले हे दोन्ही पदार्थ ओलावा आणि हवेच्या संपर्कात आल्यास लवकर खराब होतात, त्यामुळे ते योग्य प्रकारे साठवणे अत्यंत महत्त्वाचे आहे. अशावेळी तुम्ही काही सोपे घरगुती उपाय करून हे पदार्थ अधिक काळ सुरक्षित आणि ताजे ठेवू शकता.

१) व्यवस्थित डब्यात पॅक करा

मसाले जास्त काळ ताजे आणि सुरक्षित ठेवण्यासाठी ते नेहमी हवाबंद काचेच्या बरण्यांमध्ये किंवा स्टीलच्या घट्ट डब्ब्यात ठेवा. काचेची बरणी केवळ ओलावा आत जाण्यापासून रोखत नाही, तर मसाल्यांचा सुगंध आणि चवदेखील टिकवून ठेवते. मसाला काढण्यासाठी कोरडा चमचा वापरा. ओल्या चमच्यामुळे मसाल्याला बुरशी येऊ शकते.

२) अख्खे मसाले कसे साठवावेत

लवंग, काळी मिरी, वेलची आणि दालचिनी यांसारखे अख्खे मसाले साठवण्यापूर्वी हलके भाजून घ्यावेत, यामुळे त्यामधील नैसर्गिक तेल टिकून राहते, ज्यामुळे त्यांचा सुगंध जास्त काळ टिकून राहतो आणि ते लवकर खराब होण्यापासून वाचतात; ते देखील एका घट्ट काचेच्या बरणीत पॅक करा.

३) हिंग कसे स्टोअर कराल?

थंडाव्यामुळे हिंग लवकर खराब होते. अशा परिस्थितीत तुम्ही हिंग साठवताना त्यात तांदळाचे काही दाणे टाकू शकता. तांदूळ अतिरिक्त आर्द्रता शोषून घेतात, ज्यामुळे हिंगाच्या गुठळ्या होत नाहीत आणि ते दीर्घकाळ ताजे राहते.

डाळी खराब होऊ नये म्हणून काय कराल?

१) कीड-रोगांपासून संरक्षण कसे करावे?

कडधान्य किंवा डाळींना लगेच कीड लागते, अशावेळी ते व्यवस्थित साठवण्यासाठी त्यात थोडे मोहरीचे तेल टाकून ते उन्हात वाळवा. तेलाचा पातळ थर एका संरक्षक कवचाप्रमाणे काम करतो, ज्यामुळे कीड कडधान्यात अंडी घालू शकत नाह

२) कडुलिंबाची पाने ठरू शकतात उपयुक्त

डाळींना किडींपासून वाचवण्याचा एक मार्ग म्हणजे भांड्यात वाळलेली कडुलिंबाची पाने ठेवणे. कडुलिंबाचा नैसर्गिक कडूपणा आणि तीव्र वास किडींना दूर ठेवू शकतो, यामुळे कीड लागण्याची शक्यता मोठ्या प्रमाणात कमी होते.

३) माचिसचा बॉक्स

तुम्ही मसूरच्या डब्यात काही न पेटवलेल्या माचिसच्या काड्यादेखील ठेवू शकता, ज्याच्या मंद वासाने कीटक दूर ठेवतात.