कडक उन्हात तुळस सुकतेय? ‘ही’ २ रुपयांची वस्तू टाकताच होईल कमाल; तुळस होईल हिरवीगार अन् येतील मोठी पाने…

जर तुमच्या बाल्कनीत किंवा अंगणातली तुळसही या उन्हामुळे सुकत असेल, तर काळजी करू नका. तिला पुन्हा हिरवीगार आणि दाट बनवण्यासाठी बाजारातून महाग खत आणायची अजिबात गरज नाही. आज आम्ही तुम्हाला गार्डनिंग एक्सपर्टचा असा एक खास उपाय सांगणार आहोत, ज्यामुळे फक्त २ रुपयांत सुकलेली तुळसही पुन्हा तजेलदार होईल.

२ रुपयांचं सीक्रेट खत

तुळशीला पुन्हा जिवंत करण्यासाठी आपण एक खास लिक्विड खत तयार करणार आहोत. हे बनवण्यासाठी फक्त दोन गोष्टी लागतील, ज्या सहज तुमच्या स्वयंपाकघरात मिळतील:

• कॉफी पावडर: २ रुपयांचं छोटं पॅकेट
• एप्सम सॉल्ट: अर्धा छोटा चमचा
• पाणी: अर्धा लिटर

बनवण्याची पद्धत

एका मगमध्ये अर्धा लिटर स्वच्छ पाणी घ्या. त्यात कॉफी पावडर आणि अर्धा चमचा एप्सम सॉल्ट टाका. चमच्याने नीट ढवळून सगळं पाण्यात मिसळा. तुमचं खास जादुई खत तयार आहे.

हा उपाय कसा काम करतो?

कॉफीमध्ये भरपूर प्रमाणात नायट्रोजन असतं, जे मातीला आवश्यक पोषण देतं आणि माती थोडी आम्लीय बनवतं. अशी माती तुळशीच्या रोपाला खूप आवडते. दुसरीकडे, एप्सम सॉल्टमध्ये मॅग्नेशियम आणि सल्फेट असतं. मॅग्नेशियममुळे रोपात क्लोरोफिल तयार होतं, त्यामुळे पानांचा हिरवा रंग परत येतो आणि रोपाची वाढ जलद होते.

असं टाका हे खत

या खताचा पूर्ण फायदा मिळवण्यासाठी ते योग्य पद्धतीने मुळांपर्यंत पोहोचणं गरजेचं आहे. यासाठी हे ३ स्टेप्स फॉलो करा:

माती हलकी खुरपून घ्या: खत टाकण्यापूर्वी तुळशीच्या कुंडीतली माती हलकी सैल करा. त्यामुळे मुळांपर्यंत हवा सहज पोहोचते.

तयार घोल टाका: माती सैल केल्यानंतर तयार केलेलं कॉफी आणि एप्सम सॉल्टचं मिश्रण कुंडीत सगळीकडे समान प्रमाणात टाका.

योग्य वेळ निवडा: दुपारच्या कडक उन्हात कधीही खत किंवा जास्त पाणी टाकू नका. हा उपाय सकाळी किंवा संध्याकाळी सूर्य मावळल्यानंतरच करा.

अतिरिक्त टिप: थांबलेली वाढ पुन्हा सुरू होईल

हे मिश्रण टाकल्यानंतर काही दिवसांतच तुळशीची थांबलेली वाढ पुन्हा सुरू झालेली दिसेल. नवीन हिरवीगार आणि चमकदार पानं येऊ लागतील. उन्हाळ्यात तुळशीला थेट कडक उन्हापासून वाचवण्यासाठी दुपारी ग्रीन नेटखाली ठेवा किंवा सावलीच्या ठिकाणी हलवा.

मग उशीर कशाला? आजच फक्त २ रुपयांचा हा सोपा उपाय करून पाहा आणि तुमच्या सुकलेल्या तुळशीला पुन्हा हिरवंगार बनवा…