तुळशीचे रोप बहुतेक घरांमध्ये आढळते. त्यामागे धार्मिक कारणांप्रमाणेच आयुर्वेदातही तुळशीच्या रोपाला महत्त्व आहे. अनेक घरांमध्ये सकाळी आणि संध्याकाळी तुळशीच्या रोपाची पूजा केली जाते. तुळशीच्या रोपाला आयुर्वेदात देखील फार महत्व आहे. तुळस अनेक आजारांवर औषधी आहे. वास्तुशास्त्रात अनेक झाडे आहेत, जी घरातील दोष दूर करण्यास मदत करतात. घरात तुळशीचे रोप लावल्याने सकारात्मक उर्जा मिळते, असंही सांगण्यात येतं. तुळशीचे रोप अचानक सुकणे हे घरात संकट येण्याचे संकेत असं मानलं जातं. याचा अर्थ भगवान श्री हरी विष्णू तुमच्यावर कोपले आहेत. वास्तूनुसार तुळशीची पाने अचानक पडणे देखील अशुभ मानले जाते. पितृदोषामुळे अनेक वेळा तुळशीचे रोप सुकते, त्यामुळे जीवनात अनेक अडचणींना सामोरे जावे लागते. असंही मानलं जातं की घरात सतत कोणत्या ना कोणत्या गोष्टीवरून होणारे भांडण हे पितृदोषाचे कारण असू शकते. जर तुमच्या घरातील तुळशीच्या रोपाजवळ पक्षी घरटे बनवत असेल तर याचा अर्थ तुमच्या कुंडलीतील केतूची स्थिती बिघडली आहे. त्यासाठी अनेक उपाययोजना केल्या जातात. तसेच घराच्या छतावर तुळशीचे रोप ठेवल्याने बुध कमजोर होतो. असे म्हटले जाते की बुध हा धनाचा ग्रह आणि व्यवसायाचा स्वामी आहे. त्यामुळे त्याला तुमच्या घरासमोर ठेवा घराच्या वर नाही. (ही माहिती सामान्य गृहितकांवर आधारित आहे.)
