नसांमध्ये साचलेलं युरिक अ‍ॅसिड लघवीवाटे बाहेर पडेल; फक्त ‘हे’ पाणी दिवसभर प्या, महिन्याभरातच दूर होईल संधिवात

तज्ज्ञांच्या मते, जर तुम्हाला तुमच्या शरीरातील युरिक ॲसिडची पातळी नियंत्रणात ठेवायची असेल, तर तुम्ही काही विशिष्ट पदार्थ टाळले पाहिजेत. राजमा, चणे, चीज, मांसाहारी पदार्थ, मद्य आणि अति तळलेले व प्रक्रिया केलेले पदार्थ यांसारखे काही पदार्थ टाळा. डॉक्टरांनी याबाबत स्पष्ट केले की, जर तुम्ही हानिकारक पदार्थ टाळले, तर तुम्ही ५० ते ६० टक्के बरे होऊ शकता.

तज्ज्ञ पोटॅशियमयुक्त पदार्थांसहित हे पदार्थ टाळण्याचा आणि दररोज एक हर्बल पेय पिण्याचा सल्ला देतात. हे पेय सांधेदुखीवर उपचार करील आणि युरिक ॲसिड नियंत्रित करील. युरिक ॲसिड नियंत्रित करण्यासाठी हे हर्बल पेय किती प्रभावी आहे आणि ते कसे तयार करावे, हे तज्ज्ञांकडून जाणून घेऊया.

युरिक ऍसिड नियंत्रित करण्यासाठी हर्बल पेय

डॉ. भूषण यांच्या मते, एक विशेष हर्बल पेय तयार करून ते दररोज प्यायल्याने युरिक ॲसिड नियंत्रणात ठेवण्यास मदत होऊ शकते. या पेयासाठी वेलची, बडीशेप, सुका पुदीना, सुंठ आणि पाणी लागते. चला, या घटकांचा वापर करून हे पेय कसे तयार करायचे त्याबद्दल जाणून घेऊया…

साहित्य

• १ चमचा वेलची
• १ चमचा बडीशेप
• १ छोटा चमचा सुका पुदीना (किंवा १४-१५ पुदिन्याची ताजी पाने)
• पाव चमचा सुंठ
• ८ ग्लास पाणी

कृती

सर्व साहित्य ८ ग्लास इतक्या पाण्यात मिसळा आणि काही वेळ तसेच राहू द्या. त्यानंतर हे पाणी दिवसभर प्या. डॉक्टरांचा दावा आहे की, एका आठवड्याच्या नियमित सेवनानंतर युरिक ॲसिडच्या पातळीत सुधारणा दिसून येऊ शकते.