वॉशिंग मशीनमध्ये ‘ही’ १ गोष्ट ठेवताच कमाल झाली! परिणाम पाहून डोळ्यांवर विश्वास बसणार नाही; जबरदस्त जुगाडाने मोठं टेन्शन होईल कमी…

काय आहे ॲल्युमिनियम फॉइल बॉल हॅक?

हा उपाय करण्यासाठी ॲल्युमिनियम फॉइलची एक शीट घ्या आणि ती नीट दाबून टेनिस बॉलएवढा गोल गोळा तयार करा. हा गोळा कपड्यांसोबत ड्रायर किंवा वॉशिंग मशीनमध्ये टाका. कपडे जास्त असतील तर दोन किंवा तीन फॉइलचे गोळे वापरू शकता. गोळा व्यवस्थित तयार केला असेल आणि तो फाटला नाही, तर तो अनेक महिने पुन्हा वापरता येतो.

लोक हा उपाय का करतात?

ड्रायरमध्ये कपडे सतत एकमेकांवर घासले जातात. त्यामुळे त्यांच्यामध्ये स्टॅटिक चार्ज तयार होतो. यामुळे कपडे एकमेकांना चिकटतात किंवा हात लावल्यावर हलका झटका जाणवतो. ही समस्या विशेषतः पॉलिस्टर, नायलॉन आणि फ्लीससारख्या सिंथेटिक कापडांमध्ये जास्त दिसून येते.

ॲल्युमिनियम हा विजेचा चांगला वाहक (कंडक्टर) असल्यामुळे तो स्टॅटिक चार्ज कमी करण्यास मदत करू शकतो, असे मानले जाते. त्यामुळे अनेकांचा अनुभव असा आहे की फॉइलचा गोळा वापरल्यानंतर कपडे आधीपेक्षा कमी चिकटतात.

यामुळे फॅब्रिक सॉफ्टनरची गरज संपते का?

ॲल्युमिनियम फॉइल फक्त स्टॅटिक इलेक्ट्रिसिटी कमी करण्यास मदत करू शकते. त्यामुळे कपडे मऊ होत नाहीत, त्यांना सुगंध येत नाही आणि सुरकुत्याही कमी होत नाहीत. कपडे मऊ, ताजे आणि सुगंधी हवे असतील तर फॅब्रिक सॉफ्टनर किंवा ड्रायर शीट वापरणेच योग्य ठरेल.

वॉशिंग मशीनमध्ये की ड्रायरमध्ये?

तज्ज्ञांच्या मते हा उपाय ड्रायरमध्ये जास्त प्रभावी ठरतो, कारण स्टॅटिक इलेक्ट्रिसिटी कपडे सुकत असताना तयार होते.

वॉशिंग मशीनमध्ये मात्र कपडे पाण्यात असतात आणि पाणी आधीच विजेचा चांगला वाहक असते. त्यामुळे स्टॅटिक तयार होण्याची शक्यता खूप कमी असते. त्यामुळे वॉशिंग मशीनमध्ये ॲल्युमिनियम फॉइल टाकल्याने काही विशेष फायदा होतो, याचे ठोस पुरावे उपलब्ध नाहीत.

हा उपाय करताना या गोष्टी लक्षात ठेवा

• फॉइलचा गोळा नीट दाबून तयार करा, म्हणजे तो उघडणार नाही.
• गोळ्याला कोणताही धारदार कडा नसावा, नाहीतर कपडे खराब होऊ शकतात.
• फॉइल फाटू लागली किंवा तुटू लागली तर लगेच नवीन गोळा तयार करा.
• तुमच्या वॉशिंग मशीन किंवा ड्रायरच्या कंपनीने धातूच्या वस्तू टाकण्यास मनाई केली असेल, तर हा उपाय करू नका.
• कोणताही नवीन उपाय करण्यापूर्वी मशीनचे युजर मॅन्युअल नक्की वाचा.

तुमच्या घरी ड्रायर असेल आणि सिंथेटिक कपड्यांमध्ये स्टॅटिक इलेक्ट्रिसिटीची समस्या होत असेल, तर ॲल्युमिनियम फॉइलचा गोळा हा स्वस्त आणि पुन्हा वापरता येणारा पर्याय ठरू शकतो. मात्र, याकडे चमत्कारिक उपाय म्हणून पाहू नका.