कपड्यांचं कपाट कसं आवरायचं? काय ठेवायचं, काय फेकायचं; ‘या’ टिप्सने झटपट आवरा तुमचं कपाट

खरं तर, ऋतूनुसार कपडे घालण्याची स्टाईल बदलत असते. त्यामुळे आपण त्यानुसार कपडे खरेदी करतो. उन्हाळा, हिवाळा आणि पावसाळ्यासाठी वेगवेगळे कपडे ठेवल्यामुळे कपाटात जागा कमी पडू लागते. याशिवाय, नवीन कपडे ठेवल्याने आणि जुन्या कपड्यांची व्यवस्थित मांडणी न केल्याने कपाट लवकर भरून जाते.

अशा परिस्थितीत, आवश्यक कपडे ठेवणे अवघड होते आणि अनेकदा वर ठेवलेले कपडे बाहेर येतात. यामुळे कपाट आवरण्यात जास्त वेळही लागतो. जर तुम्ही काही सोप्या पद्धती वापरून कपड्यांची व्यवस्थित मांडणी केली, तर तुमचे कपाट केवळ व्यवस्थित दिसणारच नाही, तर त्यात अतिरिक्त जागाही निर्माण होईल…

सर्व कपडे बाहेर काढा

सर्वप्रथम, कपाटातील सर्व कपडे बाहेर काढा. यामुळे तुमच्याकडे किती कपडे आहेत आणि त्यापैकी कोणते आवश्यक आहेत हे समजण्यास मदत होईल. जुने किंवा न वापरलेले कपडे काढून टाका.

ऋतूनुसार कपाटाची करा मांडणी

ऋतूनुसार तुमच्या कपाटाची मांडणी करा. सध्याच्या ऋतूनुसार कपड्यांची मांडणी करा. इतर कपडे मोठ्या ऑर्गनायझरमध्ये, बेडखालच्या बॉक्समध्ये किंवा वरच्या शेल्फवर ठेवा. यामुळे तुम्हाला आवश्यक असलेले कपडे ठेवण्यासाठी कपाटात पुरेशी जागा मिळेल.

वर्गीकरण करा

आता तुमच्या कपड्यांचे वर्गीकरण करा. त्यांना वेगवेगळ्या विभागांमध्ये ठेवा, जसे की ऑफिस वेअर, कॅज्युअल वेअर, पार्टी वेअर, जीन्स, टी-शर्ट, साड्या आणि नाईटवेअर. सर्वात जास्त लागणारे कपडे पुढे आणि कमी वापरले जाणारे कपडे मागे ठेवा. यामुळे शोधणे सोपे जाईल.

घडी घालण्याची पद्धत

कपड्यांची थप्पी लावण्याऐवजी, त्यांना व्यवस्थित घडी घाला. यामुळे ते विस्कटत नाहीत आणि तुम्हाला ते एका नजरेत दिसतात. तसेच, शर्ट, कुर्ता आणि ब्लेझर हँगरवर ठेवा. टी-शर्ट, जीन्स आणि पायजमा घडी घालून ठेवा. यामुळे तुमचे कपाट व्यवस्थित राहील आणि गरजेच्या वेळी तुम्हाला लागणारे कपडे शोधणे सोपे होईल.

लहान ऑर्गनायझर्स वापरा

तुमच्या कपाटातील कपडे व्यवस्थित लावण्यासाठी लहान ऑर्गनायझर्स वापरा. ​​त्यामध्ये मोजे, ॲक्सेसरीज, अंतर्वस्त्रे आणि इतर वस्तू ठेवा. या लहान युक्त्या तुम्हाला तुमचे कपाट सहजपणे व्यवस्थित लावण्यास मदत करू शकतात. यामुळे तुमचा वेळ वाचेल आणि गरजेच्या वेळी तुम्हाला आवश्यक असलेले कपडे शोधणे सोपे होईल.