शीत पित्त अंगावर पित्ताच्या गांधी उठणे, शरीरावर सूज येणे, तो भाग लाल व गरम होणे, अंगाला खूप कंड येणे म्हणजे शीत पित्त होय. त्यावरील काही उपाय.. ’ खोबरेल तेलात कापूर घालून ते तेल चोळणे. ’ तूप पातळ करून त्यात मिरपूड घालून ते तूप चोळणे. ’ दिवाळीचे उटणे गरम दुधात मिश्रण करून ज्या शितपित्तामध्ये त्वचेची खूप आग होत असेल त्यावर चोळावे. ’ रक्तचंदन उगाळून त्यात कापूर घालून त्वचेवर चोळावे. ’ कोकम (आमसुले) पाण्यात कुसकरावी. त्या पाण्यात कापूर किंवा मिरपूड घालून ते पाणी पित्ताच्या गांधीवर चोळावे. ’ खोबरेल तेलात किंवा पातळ केलेल्या तुपात वेखंडाची पावडर घालून किंवा वेखंड व शंखजीरं पावडर एकत्र करून ते खाज येत असलेल्या भागावर चोळावे. ’ कडूनिंब व तुळशीच्या पानांचे चूर्ण किंवा ताजी पाने वाटून त्याचा रस चोळावा. ’ पोटात घेण्यासाठी गुलकंद, हळद घालून गरम दूध, पोट साफ होण्यासाठी त्रिफळाचूर्ण, आल्याचा रस, मध, कोरफडीचा रस, आवळा-कोकम सरबते यांचा उपयोग वैद्यांच्या सल्ल्याने करावा. - वैद्य राजीव कानिटकर मोजमाप आरोग्याचे लसीकरणाचे प्रमाण ५८.५ टक्के : ग्रामीण भागात लसीकरणाचे प्रमाण ६७.४ टक्के : शहरी भागात लसीकरणाचे प्रमाण : १२६१.०१ कोटी : १९९५-९६ ते २०१५ पर्यंत बालकांचे लसीकरण लसीकरण कार्यक्रमासाठी केंद्राचा निधी २०१२-१३ २२१.७० कोटी २०१३-१४ १८८.९१ कोटी २०१४-१५ १८९.२६ कोटी लसीकरणाचे भारतातील प्रमाण बीसीजी ७३ टक्के तिहेरी लस ६४ टक्के पोलिओ ७० टक्के गोवर ५६ टक्के ७१ टक्के : भारतात गरोदरपणात धनुर्वात लस मिळणाऱ्या महिलांचे प्रमाण.