07 July 2020

News Flash

दोन दिग्गजांमध्ये सामना

प्रथमच लोकसभेला सामोरे जाणारे ६१ वर्षीय जेटली आणि अमृतसरमधून उमेदवारीसाठी अजिबात इच्छुक नसलेले ७२ वर्षीय पंजाब काँग्रेसचे माजी प्रमुख कॅ. अमरिंदर सिंग अशी ही लढत.

| April 22, 2014 02:33 am

अरुण जेटली वि. कॅ. अमरिंदर सिंग, अमृतसर, पंजाब
प्रथमच लोकसभेला सामोरे जाणारे ६१ वर्षीय जेटली आणि अमृतसरमधून उमेदवारीसाठी अजिबात इच्छुक नसलेले ७२ वर्षीय पंजाब काँग्रेसचे माजी प्रमुख कॅ. अमरिंदर सिंग अशी ही लढत. २००७ आणि २०१२ मधील विधानसभा निवडणुकीत सपाटून मार खावा लागल्याने अमरिंदर यांचे प्रमुखपद हिरावले गेलेले, त्यातच देशभरात असलेली काँग्रेसविरोधी लाट जेटली यांच्या पथ्यावर पडण्याची चिन्हे असल्यामुळे, वरकरणी ही लढत एकतर्फी वाटू शकते, मात्र वास्तव तसे नाही. खऱ्या अर्थाने मुख्यमंत्री प्रकाशसिंग बादल यांच्या नेतृत्वाची कसोटी पाहणारी ही लढत आहे. शिरोमणी अकाली दलाशी असलेला ‘सुखी संसार’ आणि मागील निवडणूक निकाल लक्षात घेऊनच ‘सुरक्षित मतदारसंघ’ जेटली यांना देण्यात आला, पण आता ते जिंकावेत यासाठी बादल कुटुंबीयांना प्रयत्नांची पराकाष्ठा करावी लागणार आहे. दुसरीकडे अमरिंदर यांच्यासाठी ही अस्तित्वाची लढाई आहे. विजय संपादन करता आल्यास त्यांचे ‘राजकीय पुनरुज्जीवन’ निश्चित. पण  पराभव झाल्यास राजकीय कारकिर्दीस पूर्णविरामाची शक्यताच अधिक. वाढती महागाई, शेतमालाला न मिळणारे भाव, जलसंधारण, वाढलेले प्रदूषण या मुद्दय़ांवरही काँग्रेसकडे म्हणावे, असे उत्तर नाही. ग्रामीण जनमानसावर शिरोमणी अकाली दलाची मजबूत पकड आहे, तर शहरी भागात ‘नमो प्रभावा’ची भाजपाला आस आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 22, 2014 2:33 am

Web Title: battle ground amritsar capt amarinder singh vs arun jaitley i
Next Stories
1 पृथ्वीराज चव्हाणांनी माझ्यावर टीका करण्यापेक्षा शेतकऱयांना उत्तरे द्यावीत- मोदी
2 निकालानंतर तिसरी आघाडी आकारास येईल
3 दुर्बल काँग्रेस सरकार हटवा ; मोदी यांचे नवमतदारांना आवाहन
Just Now!
X