28 September 2020

News Flash

राज्यात बसपमध्ये मोठे फेरबदल

लोकसभा निवडणुकीत संबंध देशभर आणि खास करुन उत्तर प्रदेशात दारुण पराभवाचा तडाखा बसल्यानंतर बसपच्या सर्वेसर्वा मायावती यांनी पक्षसंघटनेत मोठे फेरबदल केले आहेत.

| May 24, 2014 02:53 am

लोकसभा निवडणुकीत संबंध देशभर आणि खास करुन उत्तर प्रदेशात दारुण पराभवाचा तडाखा बसल्यानंतर बसपच्या सर्वेसर्वा मायावती यांनी पक्षसंघटनेत मोठे फेरबदल केले आहेत. आगामी विधानसभा निवडणुकीच्या तोंडावर गेली अनेक वर्षे दक्षिणेतील राज्यांची धुरा संभाळणारे डॉ. सुरेश माने यांच्यावर राज्यातील विदर्भ, मराठवाडा व उत्तर महाराष्ट्राची जबाबदारी सोपविण्यात आली आहे. विधानसभा निवडणुकीच्या तयारीसाठी उद्या राज्यातील बसपच्या प्रमुख पदाधिकाऱ्यांची बैठक आयोजित करण्यात आली आहे. लोकसभा निवडणुकीत मायावती यांचा गड असलेल्या उत्तर प्रदेशातच बसपला मोठा हादरा बसला.पक्षाच्या पराभवाचा आढावा घेण्यासाठी मायावती यांनी २० मे रोजी लखनऊमध्ये बैठक झाली. त्यावेळी महाराष्ट्रातील पक्षाच्या कामगिरीचा आढावा घेण्यात आला.  विधानसभा निवडणुकीत पक्षाची चांगली कामगिरी व्हावी यासाठी प्रदेशाध्यक्ष विलास गरुड यांच्याबरोबरच बसपमधील एक थिंक टॅंक म्हणून ओळखले जाणारे डॉ. सुरेश माने यांच्यावर विशेष जबाबदारी सोपविण्यात आली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 24, 2014 2:53 am

Web Title: bsp resume in maharashtra
टॅग Bsp
Next Stories
1 राजपक्षे यांच्याविरोधात तामिळी नेत्यांची ‘आघाडी’
2 जितनराम मांझी सरकारने विश्वासदर्शक ठराव जिंकला
3 राष्ट्रवादीच्या काही मंत्र्यांना डच्चू
Just Now!
X