मी एकवेळ जीव देईन, पण भाजप किंवा काँग्रेसमध्ये जाणार नाही असे आम आदमी पक्षाचे सर्वेसर्वा अरविंद केजरीवाल यांनी म्हटले आहे. गॅसच्या वाढलेल्या किंमती कमी करण्याचे ठोस आश्वासन नरेंद्र मोदी देत असतील, तर मी भाजपसोबत जाईन असे वक्तव्य केजरीवाल यांनी पूर्व दिल्लीतील गांधीनगर येथील प्रचारात केले होते. मात्र, याबाबतचे वृत्त माध्यमांमध्ये येताच केजरीवालांनी आपल्या विधानावर पलटी मारली. केजरीवाल म्हणाले, "भाजपमध्ये जाण्यास तयार असल्याचे वृत्त चुकीचे आहे. यामध्ये कोणत्याही प्रकारचे तथ्य नाही. प्रसारमाध्यमांमधील त्यासंबंधीचे वृत्त पूर्णपणे खोटे आहे. एकवेळ जीव देईन, पण भाजप किंवा काँग्रेसमध्ये जाणार नाही."
